كشفت الفنانة مها أحمد عن تدهور حالة والدتها الصحية وتم حجزها في العناية المركزة، وجاء ذلك عبر صفحتها الرسمية بموقع التواصل الاجتماعي “فيس بوك“.
ونشرت صورة من ألبوم الذكريات، وعلقت عليها قائلة: “امى حبيبتى .دعواتكم .فالعنايه المركزه”.
أخر أزمات مها أحمد
يذكر أن كان هناك أزمة بينها وبين أحمد السقا، وكانت بداية الأزمة بعد قرار المتحدة للخدمات الإعلامية بـ وقف المخرج محمد سامي، وكتب تعليق قائلة: “عوضي على الله دى الجمله اللى دايما بقولها لما اتصدم فاشخاص. الحكايه ياساده نجمين عملوا مسلسل واتنجمت عليهم بنوته لسه الف باء تمثيل واديتهم على قفاهم وركبت عليهم الى ان اصبحت بطلة المسلسل وبطلة الدعايه للمسلسل وهما راضيين رغم ان طول عمرهم مبيعملوش كده مع اى زميله لهم اقربها انا”.
وتباعت قائلة: “النجم الاولانى بينى وبينه عيش وملح وزماله رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتداءه المفروض انه عارف قيمتى الفنيه وعارف انى اضافه له اتهرب منى وموقفش جنبى وباعنى رغم ان الكل عارف انى زى اخته(ندل) اما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت ( عوضى عليك يارب)”.
هجوم شقيقة السقا على مها أحمد
وبعد تعليقها هاجمتها فاطمة السقا قائلة: “الكلام ده موجه ليكي يا استاذة بدل ما تفضلي تمسحي كل شوية ردي.. ابهرتيني يا مها بأخلاقك العالية.. وبأنك افتكرتي العيش والملح اللي كلتيه البيت بتاع الفنان اللي مش عارفة تقولي اسمه بس عرفتي تقولي عليه ندل اللي هو أحمد السقا”.
وتابعت قائلة: “أنا بقولك قدام الناس قطع لسان اي حد يقول عيله كدة لانه راجل اكرمك ووقف جنبك انتي ومجدي بدل المرة الف.. وأمير كرارة بردو راجل جدع ومحترم للي ما يعرفهوش في البوست بتاعك ده معرفش ايه الفرص اللي كانت عندك اللي كان يتمنى يشتغل معاكي فيها زمان بس هو اي حد يتمنى يشتغل معاه دلوقتي اكيد.. وكلمة الدور بينادي صاحبه دي بتاعة افلام مابتتقالش في الحقيقة.. كفايا دراما وتشوية للناس”.
وأضافت قائلة: “وبعدين هما كممثلين مش مطالبين يقفو جنبك ولا يجيبولك أدوار على فكرة.. دي رؤية المخرج وناس بتوع كاستنج.. الحقيقة انا مش عارفة انتي عايوة ايه انا مش شايفة بعد العشرة الطويلة اللي انتي قولتي عليها غير كمية الحقد والسواد والشماتة اللي كانوا متداريين ورا ابتسامة كدابة..معرفش انتي ازاي كنتي بتدخلي بيوتنا الصراحة وانتي ست وحشة كدة ونسيت اقولك السب والتطاول ده بيدل عى الاصل واحنا ولاد ناس مع اننا عندنا كلام كتير اوي بتقال”.