كتبت – هدير الجوهري
أعرب السقا عن حزنه الشديد لفقدان والده ، حيث انه كان شديد القلق من فقدانه في سن الصغر ، كان يخشى رحيله لكبر سنه
وأوضح السقا ” بابا كان كبير في السن ولما كنت بروح المدرسة بلاقي أولياء أمور صحابي صغيرين في السن ووالدي كان كبير جدا وقتها .
ولما كنت اتكلم في الموضوع دا مع والدتي كانت ترد تقولي :«بلاش كلام فاضي وشيل الأفكار دي من دماغك ،ربنا يديله طول العمر والصحة».
وتابع السقا، “فضلت عايش عمري كله خايف من فكرة انه يبقى مش موجود في حياتي في يوم من الايام ، وكنت اتغطى في الشتا لحد دماغي من الخوف” .
وأضاف، ويوم ما مات حسيت ان ضهري اتكسر وبقيت عريان وفوقت خلاص من الحلم اللي كنت احلمه كل يوم “.
ذكر السقا ان والده زعل منه زعل شديد حين ترك كلية الشرطة وألتحق بمعهد السيمنا ، حيث ان ألتحاقه بكلية الشرطة كان بسبب حبه للرماية وضرب النار، وقام بسحب ملفه من الكلية دون علم أحد و هذا ما جعلهم غاضبين .
استرجع السقا ذكريات طفولته قائلا : انا كنت شقي جدا، لدرجة اني كنت بنط من علي سطوح بيتنا للسطوح اللي جنبه ، وكنت بخرج من البيت من وراهم ومفيش حد كان يعرف انا فين مما جعل والدي يسميني “الزيبق” ، ووالدتي كانت دايما تضربني بسبب شقاوتي اللي قلت او قد تكاد تكون انعدمت بعد وفاة والدي (الله يرحمه) .
كشف أحمد في لقائه مع وفاء عن سبب خلافه مع تامر حسني:
حيث فسر السقا أن تامر طلب منه الظهور في «الفلوس» كضيف شرف العمل ووافق السقا ولكن تفاجئ ان صورته علي بوستر الفيلم وأعرب عن استياءه ، وأوضح السقا أنه شخص متسامح قائلاً: «لو حصل واتقابلت أنا و تامر وقالي كلمتين حلوين هنسى انه كان في زعل ما بيننا في يوم.
و لم ينس احمد فضل أستاذته واشاد بالفنان الراحل أحمد رمزي:
وقال أحمد في تصريحه انه اتعلم من أستاذه الرضى، وكانو دايما في الساحل سوا بيشووا ريش ضاني، وكان بيحب اغنية ( الناس الرايقه ) و ان اخر مرة كانو سوا في العربيه كات مشغلها وبيدندن معاها .
عبر احمد عن استيائه الشديد بسبب الشائعات عن طلاقه من زوجته (مها الصغير)
و قال ” كل بيت و فيه مشاكل و احنا اتبهدلنا كتير اوي و مرينا بفترات صعبه و عدت الحمد لله ” ، كما أشار خلال حواره مع وفاء الكيلاني، ان زواجه من الصغير كان بعد قصة حب من اول مقابلة بينهم في الجامعه الامريكية.
أقرأ أيضاً:
سنه حلوه يامنير.. الجمهور يحتفل بـ عيد ميلاد محمد منير على طريقتهم الخاصة