نشر الفنان محمد رمضان، عدة صور أثناء رحلته عبر الجو إلى الولايات المتحدة الأمريكية، وجاء ذلك من خلال حسابه الرسمي بموقع التواصل الاجتماعي “إنستجرام” لتبادل الصور والفيديوهات.
وأطل نمبر وان على جمهوره من داخل طائرته الخاصة، وظهر وهو يدخن السيجار الفاخر، وعلق: “في طريقي إلى لوس أنجلوس”.
View this post on Instagram
إعلامي شهير يهاجم محمد رمضان بعد اهدار الدولارات على خشبة مسرح الرياض
من ناحية أخرى، هاجم الإعلامي محمد موسى الفنان محمد رمضان بعد أن قام برمي الدولارات على الجمهور خلال حفلته ضمن حفلات موسم الرياض 2021، الذي القى فيها الدولارات على الجماهير.
وقال أثناء تقديمه لـ برنامج “خط أحمر” الذي يعرض عبر قناة الحدث اليوم، : “تصرف مستفز وفعلا أغضب ناس كتير بعد ظهوره ماسك شوال عليه علامة دولار وبيرمي الفلوس على الجمهور”.
وتابع قائلاً: “أنا عايز أفهم هو بجد الكلام ده حقيقي بيرمي دولارات على الجمهور؟؟؟.. ولو الكلام ده حقيقي.. هو ينفع يرمي نعمة ربنا ونرمي الفلوس بهذا الشكل.. أنا شايف إن ده عدم احترام للجمهور اللي جاي يسمعه… طب لو دي مش دولارات حقيقية؟؟”.
محمد رمضان يتعرض للانتقادات للمرة المليون
وأضاف قائلاً: “هو بيعمل كدة ليه؟؟ عايز يوصل رسالة معينة ويوري الناس إن الفلوس تحت رجله؟؟.. أنا مش فاهم إيه الرسالة اللي عايز يقدمها بالطريقة والسلوك ده؟؟”.
وأشار قائلاً: “هو الراجل ده بيعمل التصرفات دي عشان يطلع تريند وكل الناس تتكلم عنه؟؟.. إنت متقدرش تكون بتتصرف بشكل سوي وكويس قدام الناس ؟؟.. حتى لما حد يقلدك تكون قدوة كويسة مش مصدر ضرر له!! كفاية بقى نصدر صورة عبده موتة والبلطجة.. يا ريت نتعلم من أخلاق النجوم الكبار اللي عمرنا ما سمعنا حد فيهم بيعمل تصرفات زي دي”.