نشب في الساعات الأخيرة مناوشات غير صريحة بين الفنانة نشوى مصطفى و الاعلامية و الفنانة ميار الببلاوي ، رغم ان تلك ليست المرة الأولى فـ أصل الشجار يعود للعام الماضي أثناء جائحة كورونا عندما نشرت الاعلامية ميار الببلاوي منشور تتهم فيه الممثلين انهم السبب في ضياع ثواب الناس في رمضان .
حيث كتبت ميار قائلة : “بجد مقدرين تضحياتكم الفظيعة في سبيل شهر ربنا، شهر الرحمة والمغفرة والصلاة والصوم والذكر، إنكوا مصممين تضيعوه علينا.. كأن رمضانكم غير رمضانا استغفر الله”.
واستطردت الببلاوي: “كأن رمضان مش هيبقى رمضان من غير المسلسلات والمسابقات واللهو اللي أغضب ربنا علينا، العمرة اتمنعت والأذان والمساجد اتقفلت رحمة ربنا اللي محتاجينها دلوقتي اللجوء ليه مش لمسلسلاتكم حتى لو صحابي هيزعلوا مني بس ربنا بيقولكوا سيبوا رمضان لأهل رمضان اتقوا الله علشان يجعل لنا مخرج ويرفع الوباء والبلاء مين معايا يا جماعة”.
لترد نشوى عقبها عليها : هي مش ميار كانت بتمثل وأعتقد في رمضان وما أعلنتش اعتزالها يعني ولا حاجة، عيب خليكي عاقلة وبالغة، وكمان مش حرام تغتابي زميلة وحاطة صورتها، وبعدين الممثلين يضيعوا عليكي رمضان ليه؟، يا ستي اجتهدي في عباداتك وقاومي زمايلك الشياطين، والله عيب تستعدي الناس على زمايلك ده إنت أكلتي معاهم عيش وملح
تجدد الأزمة بين نشوى مصطفى و ميار الببلاوي
وكتبت نشوى عبر حسابها على فيسبوك قائلة: “السنة اللي فاتت في نفس التوقيت زميلة عزيزة محجبة قالت نصاً أي ممثل بيشتغل في رمضان حرام عليكم سيبو لنا رمضان نتعبد فيه واستعدت الناس على زمايلها اللي بيمثلوا مسلسلات رمضان وزعلت مني لما دخلت عاتبتها، الدهشة إنها السنة دي مشتركة في مسلسل بتمثله دلوقتي حيتذاع في رمضان، ربنا يوفقها”.
رد ميار الببلاوي على نشوى مصطفى
و بدورها ردت الاعلامية ميار الببلاوي عبر حسابها على موقع التواصل الإجتماعي فسيبوك : اتفاجئت من بعض المتابعين ليا على فيسبوك بعتولي اسكرينه بكلام منشور من زميلة محترمة بتروج اشاعه معرفش ايه مصدرها و لأن مش متابعاها ، للاسف مخدتش بالي .
أنا معرفش هي بتتكلم عن ايه بس انا لا تعليق ، ولازم كلنا نفهم أن محدش بياخد رزق حد و كله بأيد ربنا و احتراما لروح الزمالة اللي بينا ، و الايام الفضيلة اللي احنا فيها لا تعليق على كلامك و اتمنالك الهداية .