كتب – عمر التوني
حرص عمر زكريا، على إحياء الذكري الأولى لوفاة والده الفنان الراحل طلعت زكريا ، بطريقته وتوجيه رسالة مؤثرة له أمام جمهوره.
و نشر عمر صورة التقطها أمام قبر والده، عبر حسابه الرسمي على موقع الصور الشهير “انستجرام”، معلقاً : “من فترة قصيرة كنت بتصور مع أبويا، دلوقتي بتصور مع روحه، ياللي لسه بتهاجم، ياللي لسه بتخاصم، ياللي لسه بتغتاب، ياللي لسه عندك عداوة مع شخص، مبتفكرش غير في جمع الفلوس، ياللي في غفله، فوق عشان دي نهايتنا والحقيقة الوحيدة اللي في حياتنا”.
واستكمل رسالته قائلاً : “غلبان اللي لسه قلبه أسود، غلبان ياللي لسه مش بتسامح، غلبان ياللي لسه بتفتري، غلبان يا متكبر، غلبان ياللي بعيد عن ربنا، كلها متر في متر وهتبقي تحت، السيرة الطيبة والعمل الصالح رصيد في دار الحق مش دار الباطل، الله يرحمك يا أبويا، قوم بوس أيد ابوك لو عايش ورجل أمك لو عايشة”.
الجدير بالذكر، أن الفنان طلعت زكريا، مر عام على وفاته، والذى لا يمكن أن ينساه الجمهور مهما مر الزمن.
طلعت زكريا تميز بخفة الظل والعمل الجاد حتى يخرج للجمهور في أحسن شكل، بدأ مشواره الفني خلال مسرحية “الشخص” عام 1982، وقدم عددًا من الأعمال التلفزيونية والمسرحية، وفي سبتمبر 2007 أُصيب بالتهاب في أحد شرايين المخ مما أدى إلى إصابته بغيبوب، لكنه تعافى منها لاحقا وحقق فيلمه طباخ الريس إيرادات جيدة، متزوج وله من الأبناء عمر وأميمة، توفى في 8 أكتوبر 2019 إثر أزمة صحية، عن عمر يناهز 59 عاما، حيث تدهورت حالته الصحية خلال الساعات الأولى من الفجر، وتم نقله لإحدى مستشفيات السادس من أكتوبر، ليتوفى هناك.