احتفلت الفنانة منة تيسير بعيد ميلاد والدها، الذي رحل عن عالمنا، معربة عن اشتياقها الشديد له، وجاء ذلك من خلال حسابها الرسمي بموقع التواصل الاجتماعي “إنستجرام”.
وكتبت منة تيسير: “كل سنه وانت طيب يا بابي عيد ميلادك في الجنه انشاء الله، انت وحشتني قوي اكتر ما قلبي قادر يستحمل، انا كل يوم تقريبا بحلم بيك انا تقربيا اكتر بنت في الدنيا بتحلم ب ابوها”.
منة تيسير: عيد ميلادك في الجنة يا بابي.. أنت وحشتني قوي أكتر ما قلبي قادر يستحمل
وأضافت: “انا كل يوم بعيط عليك كانك مشيت امبارح، انا طول الوقت بتكلم عنك انا مامي و مريم كانك لسه معانا، بحكي ل اصحابي عليك بحكي مواقفك اللذيذه ببقا فخوره قد ايه ان ابويا كان راجل قمر و لذيذ و كل الناس بتحبه وكمان ناجح كده كان فيك كل الحاجات الحلوه”.
واختتمت: “بلبس هدومك بقعد مكانك كانك مسافر و هترجع نفسي اتكلم معاك اشوفك اسالك عن حاجات كتير محيرني و مجناني، فقده احساس بالأمان من بعدك انا فقده حاجات كتير من بعدك نفسي تكون حاسس بيا وعارف قد ايه انا بحبك و متعلقه بيك يارب يارب يارب بحق الايام المفترجه ده يرحم ابويا و يغفرله و يخليه بنعم بالجنه و نعيمها كله”.
View this post on Instagram