حل المطرب أحمد سعد ضيف الفنانة إسعاد يونس أمس في برنامجها «صاحبة السعادة»، وتحدث خلال الحلقة عن نجاح أخر أغنياته التي تم طرحها الفترة الماضية، وعن تفاصيل سرقته لحن أغنية أصالة «مبحبش حد إلا أنت».
قال أحمد سعد:« أنا دايمًا ببقى عارف إن أي أغنية لو نجحت مينفعش ركن فيها يبقى مش موجود، ولو غيرنا أي حاجة فيها مش هتنجح، أغنية طب ليه كده نجحت عشان راغب علامة وبصوته، أنا كنت فلحوس أوي وسط صحابي، كنت عايش في عين شمس، وبسمع ألوان مختلفة وكانوا بيخلوني أعملهم شخصيات، وجيت في أغنية راغب علامة عملت شخصية جزائرية في أغنية معاه في الألبوم».
وأضاف أحمد سعد: «قولت الألبوم ده ناقصه أغنية هيت، طبعًا هما عايزين يعرفوا مين العيل الصغير ده اللي قال الألبوم ناقصه أغنية، وقالي أنت تعرف منين الأغنية الهيت، أنت بتلحن؟ قولت لأ بس لو عايز ألحن هلحن، أنا هلحن لك أغنية في 24 ساعة».
وتابع:« أنا مكنتش أحلم ألحن لـ راغب علامة، أنا كان نفسي أمشي معاه بس في الشارع، ومكنتش متخيل إن الأغنية هتعجبه بالطريقة دي، أنا أه كان عندي ثقة ولكن مش لدرجة إن ميتغيرش فيها حاجة».
أحمد سعد يكشف تفاصيل سرقته أغنية مبحبش حد إلا أنت لـ أصالة
وقال سعد عن سرقته أغنية مبحبش الا أنت لـ أصالة:«قعدت ألحن من بليل لحد الصبح وعملتها أنا ومدحت خميس وقولنا لراغب علامة أن احنا معانا الـ cd ممكن نسمعك، أنا مكنتش متوقع أنه يعجبه بالشكل ده، والأغنية نزلت وكسرت الدنيا، اكتشفت بقى إني سارق نصها، بس والله ما خدت بالي، اكتشفت أن اللحن كان شبه أغنية مبحبش حد إلا أنت لأصالة، وكلمت أصالة وقولت لها أنا الاغنية عندي أحلى منك».