أعلن المنتج والموزع الموسيقي طارق مدكور، أن هناك نيه لعمل دويتو غنائي يجمع بين المطربة شيرين عبد الوهاب والديفا سميرة سعيد.
حيث قال طارق مدكور خلال لقائه مع برنامج ET بالعربي : “زيارة شيرين لـ سميرة سعيد كانت زيارة أصدقاء لبعض مش أكتر، وطبعًا قعدوا يتكلموا كلام ستات أنا مفهمش فيه والزيارة كانت لطيفة، وفكرة التعاون بين شيرين وسميرة سعيد قائمة، واتكلمنا فيها بس لازم نلاقي الأول الوضوع المناسب اللي نعمل بيه دويتو، الكلام يكون فيه محادثة بين الشخصيتين أكنها تمثلية كل واحدة تمسك شخصية ويكون فيه حوار بينهم وفكرة في اللحن ويكون فيه موضوع مهم مش أي أغنية تتغنى وخلاص”.
كما كشف طارق مدكور عن الحالة النفسية لشيرين قائلا: “حالتها النفسية في السماء ومتفائلة جدًا ومبسوطة ونشيطة جدًا بشكل غير عادي، كل يوم فيه جلسات عمل وبنسمع أغاني وبنختار وبرنروح الأستوديو وبنجرب صوتها ينفع على الأغاني ولا لأ، فيه ورشة عمل شغالة دلوقتي وإن شاء الله تطلع بنتيجة حلوة أوي، إن شاء الله بنجهز لألبوم مختلف وفيه أفكار جديدة وأغاني حلوة، وترجع شيرين للساحة بحاجة مميزة ومختلفة”.
تفاصيل ألبوم شيرين عبدالوهاب الجديد
وأعلن أيضا عن الشعراء والملحنين الذي من المقرر أن تتعاون معهم شيرين في ألبومها الجديد، قائلًا:” معانا حوالي 6 أو 7 أغاني لغاية دلوقتي في حيز التنفيذ، كلمات شعراء كبار زي أيمن بهجت قمر، وأمير طعيمة، وألحان وليد سعد، وعزيز الشافعي، وعمرو مصطفى، ونادر حمدي كموزع، وأحمد إبراهيم، وأحمد عادي، والنابلسي، دي الأسامي اللي موجودة حاليًا مكلفة بتنفيذ الأغاني وأنا معاهم”.