هاجم المطرب الشعبي عمدة، الفنان باسم سمرة بعد أزمته الأخيرة، تناول باسم الكثير من الخمور مما جعله يفقد وعيه وتغيرت تصرفاته وتشاجر مع المطرب الشعبي، وكان ذلك في أحد الملاهي الليلة.
مطرب شهير يفتح النيران على باسم سمرة لـ هذا السبب
وصرح “عمدة” تفاصيل الواقعة التي حدثت بينه وبين الفنان باسم سمرة، من خلال مقطع فيديو نشره عبر صفحته الرسمية بموقع التواصل الاجتماعي “فيس بوك”، قائلاً: “باسم جيه في الملهى الليلي الخاص بي، برفقة مخرجة ومخرج يدعى إبراهيم، وهو في قمة عدم الوعي، فأوصيت العاملين بالاهتمام به واتقاء ما يفعله خاصةً أني أعلم بكم المشاكل التي يُحدثها وهو مخمور”.
وتابع قائلاً: “فيه فنان كنت بحبه بس هو قليل الأدب وهقولكوا قليل الأدب ليه، وهو باسم سمرة الممثل وفي التمثيل بيعجبني جدًا زمان في فيلم الجزيرة ويعقوبيان، ووصيت الناس عليه، لأن أنا مش جديد أنا في الوسط الفني من عشرين سنة”.
وأضاف قائلاً: “وفجأة لقيناه بيسلم على الستات ويبوس إيديهم وهو راجل ونجم يعني بس، فقولتله يا نجم ممكن تخاف على شكلك شوية بلاش الطريقة دي عشان الناس هتزعل منك، ورد عليا لا أنا بعمل إيه أنا برقص اهوه، وبعدها بشوية وقع على ترابيزة تانية وهو بيرقص، وفي الآخر زود قلة الأدب، أنا بقولك لو مش قد السكر ماتسكرش ومش قد الشرب ماتشربش”.
المطر الشعبي عمدة يروي تفاصيل واقعة باسم سمرة
وأشار عمدة قائلاً: “أنا من البيت للكبارية معنديش مشكلة وواضح وصريح وشغلي شرعي طبقًا لقانون الدولة، فمش موضوع تريند واللي يعارفني عارف إن ماليش في الكلام ده، واللي خلاني اتكلم معاك بلهجة شديدة في الحوار هو إني شوفتلك كذا موقف مع فنانين شباب جداد وحظك إنهم لسه شباب مؤدبة بيشتروا خاطر الناس أنا مابشتريش غير الأصول والرجولة من باب واحد وانت مبتفهمش فيهم، لأن أنت لو جايلي ضيف أنا مش بتكلم في ماديات والموضوع مش ماديات خالص، بس تحترم البيت أو المكان اللي أنت داخله وشغلك احترمه، بس هو واضح إنك فاضي وهلاس ومعندكش فن تقدمه وبقيت بتقول أي حاجة في أي حاجة، عايز تعمل تريند”.
وكشف عن تفاصيل أول مقابلة بينه وبين باسم قائلاً: “باسم اللي شوفته في أول حاجة عمارة يعقوبيان لما كان مش راجل، أول ما بقى راجل مبقاش يفهم في الرجولة، واضطريت إني ألجأ لقواعد شغلي وكلمت اللي ماسك شركة الأمن عندي ويتفضل وميدفعش مليم وهنستأذنك مش هينفع تكمل عشان أنت مبسوط زيادة عن اللزوم وتروح ونوصلك لحد البيت كمان، وقال مش هخرج من هنا وطز في فلان وعلان”.
عمدة يوجه رسالة لـ باسم ويشيد بـ عمر كمال
وأضاف قائلاً: “عايز أقولك كلمتين وربنا يهديك ويكرمك لنفسك وبطل تبقى شوارعجي وعربجي الفنان يبقى محترم وراقي بيطور من حياته وثقافته ومعيشته مش قليل الأدب وصاحب علي علوكه وأشرف كخة زيك، بس أنت مش محترم ومش جدع ورجعت بليل تتصل بيا تقولي أنا مش هحلك ومش هسيبك وكلمت فلان وعلان انت متعرفنيش وقولتله بص ياض أنت مش راجل واللي بيعمل مبيقولش أنا هعمل ولو عايز اجيبك لو ليا حق هلجأ للقانون الأول ولو مجابوش هجيلك قلب بيتك فربنا يهديك وبطل تتمنظر على الشباب الجداد”.
كما أشاد المطرب الشعبي بـ عمر كمال قائلاً: “عمر كمال شاب ونجم جميل لسه جديد متجيش عليه، وبقولك قدام الناس، وأقولك العمدة نو والعمدة بحب الناس مالوش في المشاكل ولو عايزني انا موجود ومكاني وبيتي معروف وتحت أمرك وأمك وأبوك، والرسالة وصلت وشكرًا المرة الجاية هكلمك من قلب بيتك”