علق مصطفى يونس، لاعب الأهلي السابق، على عدم دعوته للتواجد ضمن كوكبة رموز القلعة الحمراء خلال زيارتهم لفرع التجمع الخامس.
وقال مصطفى يونس، في تصريحات تليفزيونية : أنا لعبت 15 سنة في النادي الأهلي، وأكثر لاعب لعب مباريات والأقل غيابًا عن المباريات خلال الـ 15 سنة، و نتعزم أو منتعزمش دي بتاعهم هما، بالتأكيد كنت أتمنى أكون موجود في تلك المناسبة”.
وواصل: “أنا عاوز النادي الأهلي يبقى أحسن نادي في الدنيا، أنا قرأت خبر إنه بدأ العمل في بناء استاد الأهلي، ده أسعد يوم في حياتي، وبعد نجاح محمود الخطيب في انتخابات الأهلي في الدورة الأولى، قولت له (أنت لو عملت استاد الأهلي كفاية عليك، ووعد مني هنعمل حملة إن الاستاد يبقى اسمه استاد محمود الخطيب)”.
وأردف:” محمود الخطيب أسطورة من أساطير كرة القدم، نختلف نتفق، فهو أسطورة، محمد صلاح، خارج المنافسة هو لاعب عالمي، وأنا أتحدث في الشأن المحلي، اللي مشافش الخطيب وهو بيلعب كورة مشافش كورة، ولكن إحنا مختلفين في الإدارة، ممكن أبقى صح وممكن أبقى غلط».