تحدث مصطفي يونس نجم دفاع النادي الأهلي ومنتخب مصر الأسبق عن تولى المدير الفني موسيمانى تدريب فريق الكرة الأول بالنادي الأهلي.
وقال “يونس” فى تصريحات خاصة لـ أوان مصر ،موسيماني مدرب كبير وله باع كبير فى افريقيا وبالتالى علينا تقديم الدعم له.
وتابع نجم الاهلي “انا شخصياً سوف ادعم موسيمانى فى فترة توليه المسئولية وعند مجئ فايلر النادي الاهلي كان هناك هجوم على السويسري واحنا اللى بنكبر الناس مش الناس اللى بتكبرنا وعلى كل محبى النادي الاهلي تقديم المساندة فقط.
وأضاف “يجب ان يكون مع موسيماني مدرب مساعد من الاسماء الكبيرة الموجودة على الساحة واؤكد على كلمة “كبير” من مصر وله اسم “ورفض تحديد شخص بعينه”.
وشدد”مينفعش النادي الاهلي يجيب عيال صغيرة بتحبي ويكونوا فى الادارة الفنية.
وعن سؤاله على قدرة موسيمانى على تجاوز مباراة الوداد قال”مش هقدر احكم عليه من ماتش بس ابدء الحكم علية من بداية السنة القادمة ودة “الجهل بتاعنا”.
وأسترسل “أحمد سامي تولي تدريب سموحة وفاز فى مبارتين اوثلاثة بس ده شغل حمادة صدقى هو “احمد سامى مرن الفريق امتى” وهنا التوفيق وعدم التوفيق.
وأكد “احنا للاسف اعلام وتطبيل ولايوجد فكرة وصعب احكم على مدرب فى 15 يوم فقط.
وعند سؤالة عن الأصلح لتولي قيادة النادى الاهلى المصري ام الأجنبي قال”انا مع اللى يفيد الكرة المصرية وليس النادي الأهلي فقط وهناك اثنان فقط افادوا الكرة المصرية هيديكوتي وفايتسا والباقي “على متفرج”.
واردف “المدربين افادوا الكرة المصرية بشكل كبير واضافوا طرق لعب جديدة ومدارس متنوعة.
وعند سؤالة عن باتشيكو المدير الفني الجديد لفريق الزمالك قال “بالطبع مدرب جيد واللى ينطبق على الزمالك ينطبق على الاهلي ومش هقدر احكم على مدرب من ماتش ولاماتشين .
وعند سؤالة على الطريقة التى رحل بها باتشيكو فى المرة الاولي وعودته مرة آخرى قال “عايزين ننسى والراجل راح ورجع ومسك الفرقة ليه بنقلب فى الماضى وليه نقلب فى الغلط ولازم نساند فرقنا وليه نتكلم فى السلبي.
وتابع نجم النادي الاهلي الاسبق”وانا دياماً بساند الاهلي والزمالك ولكن فى النهاية اتمنى ان يفوز الاهلي بدوري ابطال افريقيا وليس الزمالك.
واختتم عند سؤالة تولي برنامج تليفزيونى فى قناة الزمالك قال”كان هناك مفاوضات ولكن هناك قلق فى الوقت الحالي والموضوع اتقفل فى الوقت الحالى ومن الممكن ان يفتح مرة آخرى مع بداية السنة الجديدة .