حل الفنان مصطفى كامل ضيف على برنامج العرافة والتي تقدمه الإعلامية بسمة وهبة على شاشة قنوات المحور، وتحدتث في الكثير من الأشياء، من بينهم وجود ابنه في النقابة.
وقال: «ابني لما دخل امتحن تنحيت عن وجودي داخل اللجنة كرئيس للجنة وقولت أنا عايزة يبقى عضو منتسب مش عضو عام، كل اللجنة قالتلي حرام عليك ابنك يستاهل يبقى عضو عام قولتلهم لا هيبقى عضو منتسب ويشقى زيه زي أي حد».
وعلق أيضًا الفنان مصطفى كامل عن استعانة المطرب علي الحجار به للتدخل في حل أزمة الأخير مع المطرب مدحت صالح بسبب مشروع 100 سنة غنا والذي كان يقيم علي الحجار على مشروع بنفس الفكر، وأوضح كامل حديثه، قائلا: «مدحت صالح وعلي الحجار اتصلوا بيا في أزمتهم».
مضافًا: «وعلي الحجار قال باعتبارك نقيب المهن الموسيقية لازم تتدخل وتحل الأزمة دي، وأنا مدحت صالح صديقي جدا ولكن استاذ علي بردو قيمة كبيرة وليه تقديره واحترامه، وقتها قولتله ده إبداع مقدرش أرفض فكرة مدحت صالح أنا كنت محايد جدا معاهم، أنا في الكرسي ده مش بشوف غير ربنا فقط».