هاجم مرتضى منصور، سيف جعفر خلال فيديو نشره على صفحته الرسمية منذ قليل، بعدما قام اللاعب لإمضاء على العقود، ثم قام بأخذ العقود معه.
وقال مرتضى منصور: “طليقة فاروق جعفر دمرت الولاد، يشهدوا ضد أبوهم في المحكمة، المفروض كانت تبعد ولادها عن أي مشاكل بينها وبين جوزها، لكن اللي حصل غير كدا”.
وأضاف: “أوسوريو قعد معانا وقال مش عايز سيف ولا يوسف أسامة نبيه والدليل على كدا أنه مش بيلاعبهم”.
وأكمل: “قدمنا بلاغ في النيابة ضد سيف جعفر عشان سرق العقود، أحنا خلاص مش عايزينه، بس عايزين العقود بتاعتنا، انت ضيعت تاريخ فاروق جعفر في النادي”.
واختتم قائلاً: “ليا عتاب على رجل الأعمال الإماراتي الأستاذ سالم الشامسي، إحنا دايماً بنتكلم على العلاقات المحترمة، لما أكون عايز لاعب من عندك بتكلم رسمي زي ما عملت آخر مرة وطلبت عبدالله السعيد قولتلي ده من أصول النادي، قفلت الموضوع بعدها لأن دي الأصول اللي أتعلمناها وأنت راجل محترم والشعب الإماراتي بيفهم في الأصول، لكن الناس اللي عندك عمرو بسيوني وممدوح عيد مبيعملوش كدة ومعندهمش إلا لاعيبة الزمالك يتفاوضوا معاها، أنت محترم وبلدك محترمة، فمن فضلك قول للناس اللي عندك عيب”.