هاجم الفنان مراد مكرم، جميع منتقدي احتفالات الكريسماس، وجاء ذلك عبر صفحته الرسمية بموقع التواصل الاجتماعي “فيس بوك”.
مراد مكرم لـ منتقدي احتفالات الكريسماس
وعلق قائلاً: “يا مسليمين ،ما تحتفلوش بالكريسماس ،ما تعملوش شجر كريسماس في بيوتكم ما تحتفلوش براس السنه الميلاديه ….كل دي بدع، يا ميسحيين ما تحتفلوش برمضان ،ما تشتروش ولا تعلقوش فوانيس في بيوتكم ،ما تشتروش حلاوة المولد ،و الاعياد المصريه القديمه زي شم النسيم كفر ….ايوا كده…. الخطوة الجاي بقي يا حلو ما تتعاملوش مع بعض ،ما تشتروش من بعض ،و الخطوة الي بعديها اكرهو بعض وولعوها ناااااار”.
وتابع قائلاً: “كان غيرك اشطر يا غبي منك له ….احنا عايشين مع بعض بقالنا ١٤٠٠ سنه بنحب بعض و بنتخانق زي الاخوات ما بتتخانق ،فينا الوحش بس الاغلبيه حلوة و هم سر تألق مصر مهما حصلها من ظروف”.
وأضاف قائلاً: “انتو الي مزبلة التاريخ ،و تبقي مصر قويه بشعبها ،مسلميها و مسييحيها ايد واحده ضد الجهل و التخلف و الغل والعملاء الي يوم الدين”.
مراد مكرم لـ منتقدي محمد صلاح: دي نفسنة.. وهو أحسن لاعب ومش محتاج منظره
ومن جانب أخر، أعرب الفنان مراد مكرم، عن استيائه من الهجوم الذي حدث على اللاعب العالمي محمد صلاح، بسبب ظهوره برفقة حارس شخصي عقب انتهاء مبارة مصر والجابون، مما انهالت عليه الانتقادات من قبل الجمهور، متهمين أياه بأن الشهرة غيرت شخصيته.
وكتب مراد عبر حسابه الرسمي بموقع التواصل الاجتماعي “فيسبوك”: “ممكن أقولكم معلومة مذهلة للي متضايق إن صلاح معاه بودي جارد، حضرتك عارف أن فيه ممثلين ومطربين ماشيين ببادي جاردز”.
وأردف: “ودول ناس محليين شهرتهم من بلدهم أو معظمها يا سيدي طيب أنت عارف أن فيه رجال أعمال عاملين كده، لأسبابهم إلى ما تخصناش طيب أنت عارف إن البودي جاردز مطلب من ليفربول عشان محدش يقرب منه من الجمهور علشان كورونا؟ يعني مش منظره؟”.
واختتم: “طيب هو صلاح، أحسن لاعب في العالم دلوقتي،محتاج منظره، أنتو بتفكروا بمخكم زي خلق الله ولا دي نفسنه وخلاص ولا مقصودة تهاجموا فخر مصر ولا إيه بالضبط؟”.