أعرب الفنان مراد مكرم عن شدة سعادته بحضور حفل عيد ميلاد الإعلامي شريف مدكور، حيث نشر منشورا عبر حسابه الشخصي على موقع التواصل الاجتماعي الفيسبوك، يمدح فيه شريف مدكور، قائلا: “يعني ايه حد محبوب،يعني يعزم ١٠٠ فرد يجيله أكتر ،يعني الي ربنا بيحبه يحبب فيه خلقه،يعني ناس تسوق بالساعات علشان تروحله عيد ميلاده ،و ناس تأجل سفر و ناس تيجي من سفر علشانه”.
وتابع: “طيب يعني ايه واحد ابن ناس و عينه مليانه؟ يعني بدل ما يستني ١٠٠ هديه في عيد ميلاده او أكثر،يجيب مستشفي اهل مصر لمعالجة الحروق و يطلب من كل اصحابه ما يجيبوش هدايا و تمن الهدايا دي يتبرعوا بيه للمستشفي ،فيلم للمستشفي فوق ال ١٢٠ الف جنيه …كل ده وهو لا ذو سلطه مثلا او مال وفير ،حد مستور و عينه مليانه”.
واضاف مراد مكرم: “انما انا بشكره علشان حاجه تانيه خالص،انا لحد ما رحتله امبارح وشوفت ناس ما شفتهاش من سنين او شهور و قعدت مع ناس عشرة عمري ،ماكنتش عارف افرح……حاولت بس ما عرفتش….لحد امبارح،فرحت من قلبي”.
واختتم كلامه مراد: “ربنا يباركلك في حياتك كلها يا شريف يابن الاصول وكل سنه وانت في ستر وصحه وراحة بال يا صديقي”.
شريف مدكور يتبرع بهداياه لمستشفى أهل مصر
وكان شارك شريف مدكور منشورا عبر حسابه الشخصي على “فيس بوك” منشورا كتب فيه: “النهاردة كان عيد ميلادي الخمسين عملت حفلة في بيتي وعزمت حبايبي وطبعا عيد ميلاد يعني هتجيلي هدايا بس أنا فكرت إن الهدية تبقى حاجة تانية خالص، فكرت إن الهدية تروح لمستشفى أهل مصر لعلاج الحروق، واتفقت مع ضيوفي إنهم يتبرعوا للمستشفى بقيمة الهدية اللي كانوا هيجيبوهالي فالناس بتوع المستشفى بقوا واقفين على مدخل البيت بياخدوا التبرعات من الناس، والنتيجة كانت 120 ألف جنيه تقريبا اتجمعوا لصالح مستشفى أهل مصر، أنا مبسوط، وشكرا لكل حبايبي اللي شرفوني ونوروني وأدوني هدية حلوة لصالح مستشفى بترجع الابتسامة على وشوش الناس“.