“مفيش مدرسة في الإسكندرية راضية تقبل ابني علشان من ذوي القدارت الخاصة “.. هذه الكلمات قالتها عزة عصام والدة الطفل سليم – من ذوي القدرات الخاصة – موجهة كلامها لوزير التربية والتعليم الدكتور طارق شوقي طالبة منه التدخل لحل مشكلة طفلها الذى لم يبلغ عامه الـ6 بعد .
وقالت والدة الطفل سليم، في منشور لها عبر صفحتها على “فيسبوك”: “أنا مش لاقية مدرسة لسليم لحد دلوقتى.. بجد أنا تعبت.. حسبي الله ونعم الوكيل فى كل اللي رافض إن ولادنا يعيشوا عيشة طبيعية إيه الظلم اللى أنا وغيرى من أمهات ذوي الاحتياجات الخاصة عايشينه ده”.
وأشارت: “لما ابنى يبقى عنده ٦ سنين ومش عارفة أدخله مدرسة لحد دلوقتى ده يبقى عدل.. ولو فى اختيارات قدامى تبقى يا حكومي يا مدرسة لا تقل عن ٤٠ ألف في السنة ده إن كانت موجودة ده غير الشادو تيتشر ومرتبها وغير الجلسات”.
واستطردت قائلة : “حد يقولي ليه ابنى ميبقاش له حق إنه يعيش وسط الناس. أنا من لحظة ولادة سليم وأنا بأهله للحظه دى.. إنه يكون وسطكم.. بس للأسف انتوا بتدمروا كل حاجة حلوة إحنا بنعملها”.
وتابعت والدة الطفل :”جبت تأشيرة من وزير التربية والتعليم تقدمها لأي مدرسة وكانت النتيجة واحدة وهي الرفض ..سليم إترفض لإنه مختلف … سليم ربنا رزقه بأم مش هتسكت … وهتفضل في ظهره لحد ما يحقق هو نفسه حلمه بإنه يبقى مقبول بينا”.