مش أنا/ ردت مخرجة الفيلم “سارة وفيق” على تعليق معز مسعود زوج الفنانة حلا شيحة، وذلك عبر صفحتها الرسمية بموقع التواصل الاجتماعي “فيس بوك”.
مخرجة “مش أنا”ترد على معز مسعود وحلا شيحة
وعلقت سارة وفيق قائلة: “استاذ معز انا ساره وفيق مخرجة فيلم مش انا.. قرأت بوست حضرتك اللي بتوضح فيه انك فاهم قصد حلا عن بعض اللقطات اللي كان المفروض نراعيها. . خلينا نتكلم بالحق بعد اذن حضرتك احنا نشيل مشاهد ليه و بأي حق بعد ما صورت و اخدت اجرها كامل ؟”.
وتابعت قائلة: “و احنا مالنا انك اتجوزتها !!!! انت اتجوزتها فنانه و بتصور الفيلم دا و دي حاجه بينك و بينها احنا مالنا و كمان بتقول كنت هتاخد اجراء ..إجراء ايه اللي تاخده انت ملكش اي حق تاخد اي إجراء المفروض تشكرنا اننا مخدناش إجراء قانوني ضد مراتك اللي امتنعت عن تسجيل صوتها لدوبلاچ الفيلم وعن تصوير افيش الفيلم اللي مدفوع فيه ملايين”.
سارة وفيق عن ازمة تامر حسني وحلا شيحة بسبب فيلم مش أنا
واستكملت قائلة: “انت متعملش حاجه غير انك تشكرنا لأننا شيلنا كل المشاهد اللي هي ماكنتش عايزاها وممكن ابعتهالك تشوفها عشان تعرف بس ازاي انا و المنتج و الفنان تامر حسني فتحنا الفيلم و عيدنا المونتاچ تاني على حساب الفنان تامر حسني مادياً عشان يرضي حلا مع انها مشاهد من وجهة نظري طبيعيه و كوميديه و رومانسيه راقيه لأن دي طبيعة افلام تامر ومع ذلك شال كل المشاهد دي و احترم وجهة نظرها”.