حل الكوميديان والمونولوجيست محمود عزب، ضيفاً ببرنامج «كلام الناس» عبر قناة «mbc مصر»، إنه قد تعرف على النجم الكبير الراحل أحمد زكي بسبب صداقته للكاتب الكبير وحيد حامد.
مضافاً: «من يوم ما عرفت وحيد حامد قابلت عنده ناس كتير أوي، وأسامي مش أسامي قليلة لا ناس كبار مقاماً واسماً زي محمود سعد ووائل الإبراشي مثلا قبل ما يبقوا مذيعين، بالإضافة للأستاذ أحمد زكي».
تابع: «أنا و الفنان الراحل أحمد زكي كنا صحاب جدا، هو كان بيحبني جدا وأنا كمان، هذا الرجل كان كريما لأقصى الدرجات، كان بيقعد في أوتيل ولما نروحله مكنش حد يدفع، مفيش بني آدم يقعد مع أحمد زكي ويحط إيده في جيبه، كان كريم زيادة عن اللزوم، يعني 3 هياكلوا سمك يجيبلهم 8 كيلو ليه؟ هو ده أحمد زكي الله يرحمه».
أما عن قصة خلافه مع النجم الكبير محمد منير، الذي وصفه بأنه صديقه وحبيبه، لافتاً إلى أنه حينما قلّده ذات مرة هاتفه الكينج وقال له: «يا أخي شوف حد تاني وسيبني في حالي».
مضافاً: «منير صديقي جدا وحبيبي، ومرة في حفلتين ورا بعض الناس قالولي ما تقلد لنا منير، فعملت منير، بعدها اتصل بيّا في التليفون وقالي يا أخي شوف حد تاني وسيبني في حالي».
تابع: «محدش اشتكاني خالص، إلا الدكتورة ملكة زرار، اشتكتيني وقدمت فيّا فعلا بلاغ، كانت زعلانة عشان مقولتش الدكتورة ملكة زرار، لكن بعدها اتصالحنا وبقينا صحاب».