انتقد الإعلامي محمود سعد، الجمهور المصري بسبب اهتمامهم الشاغل بالفنانين فقط، دون أن يعيروا أي اهتمام للثقافة العامة، على عكس ما يحدث في البلاد الاجنبية، جاء ذلك تزامنا مع انتشار الاخبار عن وجود ابن آخر للفنان الراحل سمير صبري.
وقال محمود سعد في مقطع فيديو، نشره عبر حسابه الرسمي بموقع التواصل الاجتماعي “فيسبوك”: “اهتمام الناس بالمشاهير ده موجود في العالم كله، يعني لما حصلت حكاية مهرجان جونة وانتقاد فساتين النجمات، ده بردو موجود في العالم كله، احنا بس عشان الموضوع جديد علينا فحبينا نسخر منه شوية”.
وأضاف: “لكن ايه اللي موجود في العالم بردو ان الراجل اللي امبارح اتفرج على الفنانة اللي بيتابعها وسخر من ملابسها مثلا، الصبح بيروح شغله وبيكون في ايده كتاب، معظم الناس في بلاد بره لما بيركبوا المواصلات بيكون في ايدهم كتاب، وبعدين لما بيروحوا شغلهم، بيعملوا شغلهم مظبوط وإلا هيترفضوا”.
وأردف: “إذا متابعة اخبار النجوم ديه مفيش فيها مشكلة ومتواجدة في العالم كله، لكن الملفت انه يكون دي الاهتمامات الرئيسية اللي موجودة دلوقتي”.