نشر الفنان محمود حجازي منشور على صفحته الخاصة على موقع التواصل الاجتماعي «فيسبوك»، مدافعًا عن الفنانة ريهام حجاج خاصةً بعد إشاعة أنها السبب في قرار اعتزال الفنان توفيق عبد الحميد.
وقال محمود حجازي عبر موقع التواصل الاجتماعي: «انا في حاجه ماكنتش عايز اتكلم فيها بس بجد مش قادر اشوف حد علاقتي بيه طيبه وبشتغل معاه وبشوفه بيتعب قد ايه وبيتعامل مع كل الناس بشكل محترم جدا والاقيه ديما بيتظلم من الناس من غير ما تعرف تفاصيل ديما هو اللي بيشيل المشاكل كلها سؤاء كان جزء منها او ميعرفش حاجه منها ليه بقينا بنستسهل الظلم».
وأضاف «حجازي»: «انا السنه دي بشتغل ٣ مسلسلات جواه رمضان وكانت سنه صعبه جدا وممتعه جدا وانا محظوظ اني اشتغلت مع الاستاذ توفيق عبد الحميد اللي لسه شايف قرار انه بعد الانتهاء من تصوير مسلسل يوترن سوف يعتزل الفن .. قد ايه الخبر ده زعلني جدا وبتمني انه يتراجع فيه ويفضل يمتعنا بفنه الحقيقي المبهر وان شاء الله هيحصل كده .. وكمان زعلت جدا لما شوفت الحملات والناس اللي عايزه تستغل الخبر ده لهدم وتشويه شخص هو بعيد كل البعد عن القرار ده بس لمجرد انهم عايزين يهدموا اي نجاح بشكل مليان ظلم وعدم فهم واستنتاجات ليس لها علاقه بالحقيقه .. والمشكله ان دي طريقه بتتكرر وكل مره بقول اكيد الناس هاتفهم لوحده بس الاقي الموضوع مكمل بطرق غريبه والغريب اكتر ان في ناس بتستغل الموضوع ده .. وانا مش بكتب الكلام ده و مستني اي حاجه غير اني حسيت لو انا اللي وقع عليه الظلم ده وعايز الناس تفهم بس .. انا ده تاني عمل ليا مع الاخت العزيزه ريهام حجاج ووالله والله انا كلامي هتحاسب عليه قدام ربنا يعني ولا حد في الدنيا دي كلها هيأثر عليه غير الحق .. واسف اني طولت عليكم وكل سنه وحضراتكم طيبين».
View this post on Instagram
محمود حجازي.. تعرف على قصة مسلسل يوتيرن
تتمحور أحداث مسلسل “يوتيرن” حول الطابع الاجتماعي التشويقي، الذي يدخل المشاهد في دائرة مستدامة تولد لديه شعور بالللهفة لمتابعة باقي الأحداث، حيث تسجد الفنانة ريهام حجاج دور ضابط بحري وتنمتي لعائلة الكردي، وهي من أشهر عائلات مصر، ولكنها تقع في فخ الحب، ولكن زوجها يبعدها عن الأنظار ويطلب منها أن تترك العمل حتى تتفرغ لمنزلها، وبالفعل تنخضع لأوامره، إلى أن تتعرض لحادث مروع يغير مصير حياتها ويقلبها رأسًا على عقب، وتجعلها تتمرد على زوجها.
جديرًا بالذكر أن مسلسل «يوتيرن»، يشارك في بطولته الفنان الكبير توفيق عبدالحميد، الذى يعود من خلال هذا المسلسل للدراما التليفزيونية بعد غياب 12 عاما، كما يشارك في البطولة كل من عبير صبرى وكريم قاسم ومحمود حجازى ومحمد كيلانى وصفاء الطوخى وعبير منير وهلا السعيد وآخرون.