أشار الفنان محمد هنيدي إلى أنه قام بشراء شقة سكنية في العجمي بمبلغ بسيط جدًا، مؤكدًا أنه كان يتمنى أن يسكن في ذلك المكان.
وقال هنيدي خلال لقائه مع الإعلامية منى الشاذلي ببرنامج “معكم”، المذاع عبر فضائية cbc: “كنت بتكلم وانا ماشي على البحر ومعايا صديق شغال في المقاولان ولما سمع اني حابب اشتري شقة في العجمي عرض عليا شقق ووقتها طبعا كانت غالية وانا قولتلو مش معايا فلوسها قالي نكتب عقد بالي معاك وقسطلي الباقي وبالفعل كتبت عقد بـ 10 جنيه”.
محمد هنيدي يكشف سبب توتره في المهجرنات: بعاني من فوبيا
وقال هنيدي: “بعد صعيدي في الجامعة الأمريكية روحت بتنا في العجمي ووقتها الفيلم كان بيتعرض في السينما وعمرو دياب كان بيحيي حفلة في الاسكندرية عددها حوالي مليون واول ما شوفوني جريوا عليا وقالو هاتو الواد ده وجريت عند واحد فاتح محل عشان استخبى ومن وقتها وانا عندي فوبيا من الزحمة”.
محمد هنيدي عن صابرين: كانت هايلة.. والجد بيولد الضحك
وأشاد الفنان محمد هنيدي بـ أداء الفنانة صابرين في فيلم “الإنس والنمس”، موضحًا أن الجد هو الذي يولد الضحك.
وقال هنيدي خلال لقائه في برنامج “معكم”: “الناس فاكرة أن الكوميديا بتتمثل في أني افضل اضحك وانا بتكلم والجود ده، لكن الحقيقة عكس كده تمامًا لأن الجد هو اللي بيولد الضحك”.
وأضاف: ” والاستاذ شريف عرفة كان حريص على تطبيق المقولة دي، فكان دايمًا بيحرص أن الفنانين داخل الفيلم أنهم يكونوا ملتزممين بالسيناريو المتفق دون إضافة أي تجويدات أخرى، عشان كده الفيلم طلع بالشكل الكوميدي ده”.
وتابع: ” الحقيقة الفنانين كلهم المشاركين في الإنس والنمس أدائهم رائع بالأخص الفنانة صابرين كانت هايلة جدًا”.