كان الفنان محمد نجاتي ضيف برنامج “بدون فلتر” الذي يتم عرضه عبر شاشة قناة الشمس، وتحدث خلال الحلقة عن أهمية دور الفنان في المجتمع.
وأكد محمد نجاتي أن الدور الذي يلعبه الفنان تتخطى أهمية دور الشيخ في المسجد، أو الأستاذ الجامعي في الجامعة، معلقا: إنه يدخل للمنازل.
وقال محمد نجاتي : “أنا كل مرة بطلع في البرامج بقول إني مقصدتش إن مهمة الفنان أحسن من شيخ المسجد، ولكن الفنان بيدخل البيت وبيعلم الأطفال أكتر من دكتور الجامعة اللي بيعلم مادة علمية والشيخ اللي بيعلم مادة دينية، الفنان بيعلم الحياة وأسلوب الحياة، فمن هنا الفنان أخطر وبقى الفنان أهم”.
وتابع: “تريند مهمة الفنان أحسن أهم من شيخ المسجد، خلاني أعمل برامج وأطلع في برامج لو كنت مقلتش التصريح ده دون أن أقصد وبعفوية، مكنتش عملتها، وساعتها كنت بتكلم على مسلسل ضربة معلم، وكمية البرامج والصحفيين اللي كلموني كانت أكتر من نجاح المسلسل نفسه، وأنا اتخضيت، وفكرة التريند دلوقتي أهم من المسلسل”.
واختتم محمد نجاتي حديثه: “ولا مرة كنت أقصد أعمل تريند، وأنا متحمل التصريح لآخر يوم في عمري حتى لو سبت الشغلانة، وحتى لو أنا شيخ مسجد، هقول إن الفنان أخطر، لأن مش ممكن الشيخ أو دكتور الجامعة يوجه الأجيال لـ حاجة مش كويسة، لكن الفنان ممكن جدًا يوجه لحاجة مش كويسة”.