كشف الفنان محمد ممدوح عن لحظة البيج تايم في عمره، وهي ولادة كاميليا أبنته، كما كشف كواليس ولادتها، وذلك خلال لقائه ببرنامج برودكاست Big Time، والذي يقدمه الإعلامي عمرو أديب.
قائلا: «ولادة كاميليا بنتي، و كانوا هيطلعوني برة الولادة عشان قاعد بضحك ميرفت لأنها ماكنتش بتعيط، وهما قالولي ينفع احضر الولادة، فـ قولتلهم الله وبعدين دخلت .. وحسيت إن ميرفت مراتي عايزة ده فـ طبعا هعملها اللي هي عايزاه خصوصًا في اللحظة دي لأن ربنا يكون في عونها».
متابعا: «فـ بعد الولادة حصل حاجة أنا مافهمتش هي أيه بس فجأة بقى في إيدي كائن بيتحرك بيقولوا عليه بنىَي .. حتة لحمــة زي ما بيقولوا وفيه حاجات لازم أعملها بيقولولي عليها .. لازم أكبر في ودنها وأنا مش فاهم اللحظة دي، يعني اللحظة اللي بعدها لما لبسوها ورجعتلي مسكت صباعي بإيدها وفضلت قافشة فيه وأنا مش عارف أعمل أيه .. وقتها حسيت إني ماعملتش حاجة في حياتي وإن دي هي الحياة».
مضافاً: «بعد اللحظة دي أنا خدت وقت مش عارف أتعامل مع بنتي كاميليا ومش فاهم هي أيه وكنت متضايق لأني افتكرتني معنديش مشاعر .. لحد ما الموضوع اتكرر مرة تانية فـ اكتشفت إني عادي».