ناشد الفنان محمد عطية كل مشاهير العالم على مواقع التواصل الاجتماعيِ، من فنانين ولاعبي كرة القدم، وانفلونسرز، بالتحدث عن القضية الفلسطينية.
محمد عطية يناشد مشاهير العالم بالتضامن مع فلسطين
ونشر عطية فيديو عبر حسابه الشخصي بموقع تبادل الصور والفيديوهات القصيرة إنستجرام، قال فيه: بناشد كل المؤثرين على السوشيال ميديا من ممثلين ولاعبين كرة وبلوجرز، أرجوكم اتكلموا على اللي بيحصل في فلسطين.. سنُسأل لاحقا عن شعب تم إبادته بالكامل قدام عينينا وإحنا واقفين بنتفرج.
وتابع: الوضع هناك أسوأ من السجن، أنت في السجن متأمنلك أكل وشرب ومش معاك أطفال ولا رُضع، الوضع في غزة مش بالمنظر ده، النهاردة إسرائيل أمرت بإخلاء شمال غزة، ولو ممشيوش أنتو عارفين إيه اللي هيحصل، والإعلام الغربي بيباركوا الإبادة الجماعية في فلسطين وشايفين إن إسرائيل هي الضحية.
واختتم محمد عطية حديثه، قائلًا: بلاش الكلام بتاع هو الكلام هيأثر؟.. إحنا مفيش في إيدينا حاجة نعملها غير ده ولو في حاجة تانية قولولي وأنا أول واحد هعملها، فمفيش غير إننا نتكلم على السوشيال ميديا وأرجوكم متزهقوش.