حل الفنان محمد عبد الرحمن نجم مسرح مصر الشهير بـ «توتا»، ضيف ببرنامج «معكم» تقديم الإعلامية منى الشاذلي، وقص لها تفاصيل الأزمة المرضية التي تعرض لها منذ أيام قليلة وتصدر بها التريند خاصةً بعد انتشار أخبار حول فقده للنطق، نتيجة جلطة في الرئة.
وقال: «مكنتش بحب أروح للدكتور أبداً، لحد ما في يوم رجعت من تصوير فيلم الدعوة عامة، حسيت إن صدري تقيل كده تعبت.. وقعدت أكح بشكل متواصل ورا بعض ومكنتش قادر.. قلت لا هروح مستشفى بقي.. لأن الأكسجين قل وضربات قلبي سريعة من وقت كورونا بقيت أخاف من موضوع النفس ده».
وتابع: «وأنا كنت رايح ماشي للمستشفي وسوقت كمان روحت وظبطولي الأكسجين وتاني يوم عندي تصوير قالوا لي مش هينفع تخرج النهاردة هتخرج بكرة قلت تمام، لحد العصر كان الأكسجين رجع تاني والدنيا جميلة وقمر، فجأة الدكتور بتاع الأمراض الصدرية، قالهم لزيادة الاطمئنان اعملوا له إيكو على القلب.. فاكتشفنا إن القلب شغال بنسبة 33% بس، قالوا لي لازم تعمل قسطرة استكشافية عملوها وقالي لازم عملية قلب مفتوح.. أول ما قالى اتخضيت لكن فضلت أقول الحمد لله».
وأضاف: «اللي حصلي كان حاجة كبيرة أوي بس ربنا عداها بردًا وسلامًا، خاصة إن أنا كمان كنت مدخن.. يعني عندي عادة سيئة».
واختتم: «العملية استغرقت 7 ساعات ، كان عندى انسداد فى 3 شرايين، الفكرة بقى أني كنت من أعداء المشي وكانت دي دايما خلافاتي مع مراتي .. اكتشفت إن المشي هو الرياضة الوحيدة اللي نضحك بيها على جسمنا بسهولة ، دلوقتي بقا المشي عندي أولويات ودستور ، ولازم الساعة إلا ربع اللى بمشيها يوميا».