كشف المخرج محمد سامي تفاصيل مسلسل جعفر العمدة، بطولة الفنان محمد رمضان، والذي من المقرر عرضه في السباق الرمضاني القادم 2023، كما كشف عن عن سر نجاحهم سويا .
وتحدث محمد سامي عن الأحداث التي ستدور قصة مسلسل جعفر العمدة حولها، خلال حواره مع شركة ميديا هب، وقال: هو مسلسل فكرته بتدور حول راجل له هيبة في منطقة السيدة زينب، وحصل له حادثة قديمة في حياته إن ابنه اتخطف من وهو عنده يوم، وبعدها بنشوف رحلته وهو بيدور على ابنه وهو معاه، يعني بيدور على حاجة موجودة.
وأضاف محمد سامي معلنًا عن سبب نجاح أعماله مع محمد رمضان، حيث قال: إحنا عشان متفاهمين وبينا تعاون وبنعرف نفكر مع بعض، وبينا توافق ذهني، وأنا عمومًا مخرج بيخلي الممثل اللي معاه يمثل بأريحية، لذلك ده واضح في أعمالنا مع بعض، وحصلت كتير في تاريخ الفن إن يبقى في مخرج وبطل حصل بينهم نجاحات كتير واستثنائية بسبب التوافق ده.
وتابع: أنا دايما بقول إني بحب الجملة بتاعتي اللي بكتبها لما محمد رمضان يقولها، هو عنده إحساس ومشاعر في طريقة توصيل الجملة، سواء هي جملة فيها تراجيديا أو فيها عصبية، وهو ممثل استثنائي وشايف إن أكتر مرة كتبت فيها كلام وصل واتقال من الممثل بشكل وصل للمشاهد كان الكلام اللي كاتبه لـ محمد رمضان.
واختتم كلامه بالإعلان عن كاشفًا مفاجأة المسلسل، قائلًا: كل الممثلين في جعفر العمدة عاملين شغل حلو جدًا بس الممثل المفاجأة بالنسبة لي هو مدام هالة صدقي، شايف إنها هتكون استثنائية، وأنا بعمل المسلسل مش بقول ده هينجح أو لا، دايما بقول هعمل كل حاجة أقدر عليها واستنى التوفيق من ربنا.