رفدوني من المدرسة بسبب
البنات مكنوش سيبني في حالي
و محمود ياسين اشترط عليا
حاجة واحدة علشان اتجوز بنته
محمد رياض بيكشف أسرار من حياته الشخصية
ايه الحكاية؟
الفنان محمد رياض
بسبب موهبته غير المصطنعة
بقى نجم من نجوم الشاشة في التسعينيات
خاصة بعد مشاركته في أكثر من عمل درامي ضخم
زي مسلسل لن أعيش في جلباب أبي
و مسلسل الضوء الشارد
و في الساعات اللي فاتت
تصدر محمد رياض التريند
بعد ما كشف عن أسرار حياته الشخصية
في برنامج معكم منى الشاذلي
و بدأ يحكي عن تجربة زواجه
من الفنانة رانيا محمود ياسين
و قال: لما رُحت اتقدم لمراتي
قابلت الفنان الراحل محمود ياسين
والوضع كان مربك بالنسبة ليا
لأنه عنده هيبة ربانية بهيئته وصوته
وكنت متلخبط مش عارف اقول ايه
وعمال اقوله ازيك يااستاذ
وهو صبر عليا ما هو كان عنده فكره انا جاي ليه
واتلغبطت في الأول فقال لي أنت عايز إيه يعني
هو كان عارف اني لسه ف البدايات خالص
وامكانياتي الماديه متواضعة ولكنه قدر كل شيء
وماحملنيش شيء ومفرضش عليا حاجة
و كان ليه شرط واحد بس
كان نفسه أقعد معاهم في نفس الفيلا
بس أنا رفضت وقلت له أنا اسف عايز أسكن في بيتي
وما كلمنيش في مهر ولا قايمة ولا هتجيب شبكة بكام
محمود ياسين شاف إني إنسان ممكن أحافظ على بنته
وأقدر أتحمل مسؤولية الزواج
فشاف فيا الحتة دي ووافق بيا
اللي يتقدم لبنته حد يتوسم فيه خير يسهل له الزواج
أما عن حياة محمد رياض بعيداً عن الفن
فـ أشتغل محمد رياض في البداية مدرس الكيمياء
و قال عن سبب طرده من مدرسة ثانوي
أنا كنت بشتغل مدرس كيمياء بعد لما اتخرجت من الكلية
واخترعت حاجات باسمي وكنت بحب الكيمياء جدًّا
وعملت حاجات صعبة جدا باسمي
ومركبات لها علاقة بحفظ الأكل
وأنا كنت لسه متخرج من كلية العلوم
وكنت بشتغل في معمل تحاليل طبية
وفيه مدرسة ثانوي بنات كنت بروحها 3 أيام في الاسبوع
وكان عندي 22 سنة وبعدين مدير المدرسة
قال لي ما تحضرش طابور المدرسة فبقيت أروح على الحصة
فدخل الفصل عليا لقى 60 بنت قاعدة بدل 30
وبعدين قال لي أنت إنسان كويس ومدرس هايل
ومفيش أي غبار عليك في أي شيء
بس مش هينفع تكمل معانا لإن عندي بنات صغيرين
وما قدرش أحط الزيت جنب النار
ورفدوني من المدرسة