عقب الفنان محمد رمضان، على الجدل المثار خلال الفترة الماضية؛ بسبب تصريحات الفنان بيومي فؤاد، الذي شن هجومًا على الفنان محمد سلام بعد انسحابه من مسرحية “زواج اصطناعي” ضمن موسم الرياض.
ونشر محمد رمضان، عبر صفحته الشخصية بموقع تداول الصور والفيديوهات “انستجرام” فيديو قال فيه: “شيء قاسي إن يبقى أكتر حد إنت عايز تسعده وتبسطه وتنال رضاه هو اللي يكون قاسي عليك بالكلام.. كلامي عن اخواتي وحبايبي بيومي فؤاد ومحمد سلام وأنا بتشرف بزمالتهم الاتنين”.
وأضاف: “مساء الخير عليكم، مساء الخير لكل جمهور عربي راس مال أي فنان هما الناس اللي هما حضراتكم، بنطلب من كل حبايبنا ومن كل اللي حوالينا ومن أبويا وامي يدعوا ان ربنا يحبب فيا الناس ويحبب فيا الجمهور اللي هو حضراتكم”.
وتابع: “شيء قاسي إن يبقى أكتر حد إنت عايز تسعده وتبسطه وتنال رضاه هو اللي يكون قاسي عليك بالكلام.. لا محمد سلام غلط ولا بيومي فؤاد غلط ده احنا لو غلطنا واحنا بنصلي ربنا بيسامحنا ايه اللي هما عملوه عشان كل ده؟ وكل اللي بسمعه خلال الأيام اللي فاتت عن سلام انه مش هيشتغل تاني دا مش هيحصل لا احنا كفنانين هنسمح بدا ولا الجمهور هيسمح بدا ولا احنا مع اللي بيحصل في بيومي بعد ما قفل التعليقات بسبب الانتقادات اللي بتجيله… ياريت نكون أحن من كدة على بعض”.