حرص المخرج السينمائي محمد العدل، على تقديم الشكر للعديد من مشاركيه في الأعمال الفنية، ولم ينسى والدته ووالده بالشكر، وذلك من خلال منشور له عبر حسابه الشخصي بموقع التواصل الاجتماعي “فيسبوك”.
وكتب محمد العدل قائلاً: في نهاية 2021 عايز اقول الحمد لله علي كل حاجة حصلت فيها حلوة و وحشة .. و عايز اشكر كل واحد اشتغل معايا من اكبر واحد لأصغر واحد لانهم سبب بعد ربنا في اي حاجة كويسة حققتها .. عايز اشكر ابراهيم عيسي لأنه بيستحمل جناني و توتري و بيتعب معايا جدا .. و يارب شغلنا الجاي يعجب الناس زي ما الحمد لله فيلم صاحب المقام كان عمل مهم جدا في حياتي انا وهو.
محمد العدل يشكر والدته في نهاية 2021
وأضاف: عايز اشكر المنتجين الكبار جمال العدل و احمد السبكي لأنهم وافقوا علي انتاج فيلمي الجاي و مسلسلي الجاي ان شاء الله .. و هما عملين صعبين و شائكين .. هتشوفوهم ان شاء الله في ٢٠٢٢ و يارب الشغل يعجبكم.
وأختتم محمد العدل قائلاً: اخيرا و ليس اخرا .. امي حبيبتي بحبك جدا و هي ماشيه بدعواتك انتي و ابويا.