كشف محمد التاجي عن عدم موافقة جده الفنان عبد الوارث عسر عن احترافه للفن.
محمد التاجي يكشف عن شخصية جده عبد الوارث عسر
وقال” التاجي”خلال ندوه حوارية لـ”أوان مصر”: عبد الوارث عسر كان يرفض الاحتراف عشان مروحش أققول لحد من صناع الاعمال الفنية أني حفيد فلان وشغلوني وقالي كان هيبقي ليا وقفة معاك الراجل ده كان كلمته أتقل منه بتمشي علينا كلنا كان مسببلنا رعب فكنت بخاف اني اققول اني حفيده.
سبب رفض عبد الوارث عسر احتراف التاجي الفن
وعن السبب وراء رفض جده دخوله عالم الفن هل لخوفه من استغلال اسمه للعمل بالمهنة أم هناك أسباب أسباب أخرى قال الفنان محمد التاجي: “أنا مدخلتش فالنوايا لكن انا ارفض دخول اولادي المهنه مع إن ابني مخرج خريج معهد سينما لكن بناتي لا أحنا معندناش وقت للفكر المعوج داخل الوسط الفني لكن من كتر ما اتقال ده ارفض إن بناتي يجرحوا بالكلام ده”.
وتابع حديثه عن السوشيال الميديا وهل كانت سبب في تغذية الفكرة دي عند الفنانين ليرد: “السوشيال ميديا ملعونة فكل الأوقات لكن الفكرة موجودة من زمان”.
وفي سياق متصل كشف التاجي عن سبب تصريحه في أحد البرامج التلفزيونية معلقا: “متتجوزوش حتي لو هتغلطوا ربنا هيغفرلكم”.
ليرد: “أنا قولت مدام قانون الاحوال الشخصية ضد الرجل بهذه الطريقة فعلى إيه تتجوزا بقا ده لو واحد فينا غلط كرجل وخدتها بهزار لو عمل حاجة قلة أدب يعنى ربنا غفور رحيم لكن قانون الأحوال الشخصية لا غفور ولا رحيم”.
واختتم حديثه: “تسبب هذا التصريح فمشكلة ليا وقالوا ده بيحض علي الفسق، الفجور والفساد وطلع احد المحامين قدم بلاغ للنائب العام بتهمة إذرياء أديان ولكن هذا مجرد إلباس تهمه ولحد الأن لم يأتيني دعوة من النائب العام”.