حالة من الجدل أثارها المستشار عصام البنا محامي خادمتي الفنانة وفاء مكي وهم هنادي ومروة، الذي تصدرت قصة تعذيبهم مواقع التواصل الاجتماعي من جديد بسبب تصريحات الإعلامية ميار الببلاوي ببراءة وفاء مكي.
وقال عصام البنا خلال مداخلة عبر zoom مع الإعلامية نانسي مجدي، مقدمة برنامج القاهرة اليوم: مذنبة وارتكبت الجرم الذي بسببه تم سجنها وهي تهمة هتك العرض والاحتجاز دون وجه حق والتعذيب مكنش نفسي اننا نتتطرق لملف القضية لكن هي اللي اضطرتنا لكدة.
وأضاف: تصريحات ميار الببلاوي كلام مرسل والرواية اللي قالتها ليس لها اي اساس من الصح بدليل ان مروة كان عندها 14 سنة يعني كانت بتتعامل مع طفلة وهنادي كانت اللبيسة بتاعتها، البنت كانت محتجزة أكتر من شهر في الحمام لكن التعذيب في يوم، وقولت قبل كدة الدليل ده ومش هقوله تاني حفاظا على حمرة الخجل وهي عارفة السبب والسبب موجود في ملف القضية.
وتابع البنا : براءة وفاء مكي وهم وكل اللي قالته ميار الببلاوي ميدخل في اي عقل لأنها اتحاكمت 3 مرات مش مرة واحدة واثبت ادانتها وخرجت تتكلم في القضية تاني بسبب ضيق رزقها لأنها كانت متوقعة انها أما تخرج من السجن هترجع تشتغل تاني.
وكانت حرصت وفاء مكي على الرد على ميار الببلاوي بعد تصريحاتها الأخيرة، التي أوضحت من خلالها براءة وفاء مكي، في قضية تعذيب الخادمتين، وأشارت بعد ذلك أن وفاء مكي كاذبة، وأنها من عذبت الخادمتين .
وقالت وفاء مكي خلال حوارها مع موقع أوان مصر: «مش مسمحاكي يا ميار بيتي اتخرب بسببك وبقيت مش لاقيه اكل بعد ما كنت نجمة» .
وأضافت: «ليه بعد ما طلعتي وقولتي الحقيقة انكرتي تاني مصعبتش عليكي لما طلعت استغيث على القنوات واقول عاوزة اشتغل مش معايا اكل ولا أعالج أمي».