شدد المنتج والمخرج السينمائي، مجدي الهواري، طليق الفنانة غادة عادل، على أنه يحترم جوازها من شخص آخر، بينما أكد لها أنه لا زال يحبها.
وقال الهواري خلال لقائهما في برنامج “بصراحة مع” المذاع عبر قناة MBC1، رداً سؤالها “متجوزتش ليه بعد طلاقنا؟”، “هو أنا مجنون. أنا عندي شروط في الجواز التاني بعد ما الواحد كبر وبقى عنده خبرة. هل الزوجة التانية هتتقبل إني لسه بحبك؟ إنت لو مش غالية عندي وأم أولادي مش هقول الشرط ده للست اللي عايز أتجوزها.”
كما كشف عن موقفه من زواجها بشخص غيره، إذا أرادت، أجاب على سؤال منها “تتضايق لو إتجوزت؟” ليؤكد “إنت حرة”، وهو ما عقبت عليه بقولها: “ولادك مش راضيين، أنا متجوزة أربعة من بعدك.”
وخلال اللقاء، تحدث مجدي الهواري عن اختلاف حياته بعد طلاقهما قائلا: “أنا دلوقتي هادي وعارف أشتغل أكتر” لتعلق غادة عادل: “طبعا ركزت في شغلك أكتر بعد طلاقنا، كنت مركز معايا بس.”
علاقة غادة عادل مع طليقها مجدي الهواري
كما تحدثت الفنانة غادة عادل عن حياتها بعد الطلاق من المخرج مجدي الهواري، وأكدت ان العلاقة بينهما علاقة احترام متباجل، جاء ذلك خلال برنامج “بصراحة مع” الذي يعرض عبر قناة MBC1 الفضائية.
وصرحت غادة قائلة: “إنت كنت طول الوقت شايف إن إنت الأب لينا، وأنا مش عارفة أتعامل مع الولاد مكنتش عارفة أبقى مستريحة وسعيدة عشان أوصل لهم ده، مش بسببك لكن بسبب إني كنت مكبوتة”
وأضافت: “أنا كنت مش عارفة أعبر عن اللي جوايا وأقول نفسي أعمل إيه، والولاد كانوا بيشوفونا بنتخانق كتير جدا. وكنت في فترة بتختفي وتغيب وأنا أدور عليك، وكان في وقت كنت مش قادرة أتقبل الحياة دي كنت واخدني شيء مسلم بيه، وبتعاملني كإني بنتك”.