أعلنت الإعلامية ياسمين عز، مقدمة برنامج “كلام الناس”، المذاع على قناة إم بي سي مصر، توقف برنامجها خلال شهر أغسطس القادم.
وخلال برنامجها، قالت ياسمين عز: شهر أغسطس البرنامج هيبقى إجازة عشان أجهزلك فقرات جديدة مش عشان أصيف زيك يا مدام”.
وتابعت: “متزعليش يا مدام ومتاخديش على خاطرك يا آنسة وشوفي الحلقات المعادة قبل متنامي عشان أطلع لك في الأحلام”.
وسبق وتحدثت الإعلامية ياسمين عز على الانتقادات التي واجهت فيلم تاج لـ تامر حسني، مشيرة إلى أنه فنان شامل وفخر لـ مصر.
وقالت ياسمين عز في برنامجها كلام الناس الذي يتم عرضه عبر عبر شاشة إم بي سي مصر: ليه كل ما تامر حسني يعمل فيلم وينجح بتقللوا منه؟ تامر حسني عدى المرحلة دي ومش لسه هنقول موهوب ولا لا، تامر وهو نايم ممكن يألف أغنية وعنده خبرة كبيرة لأن بقاله 700 سنة في الوسط الفني.
وتابعت: بقالنا 700 سنة معندناش فنان شامل من أيام عبد الحليم حافظ ودلوقتي جالنا تامر حسني المفروض نفتخر به لأنه مشرفنا برا، ليه بيحصل تربص مع كل نجاح له وفيه متصيدين، إيرادات إيه اللي ماجبهاش الفيلم؟ دي التذاكر متباعة، ليه يطلع تعليق من شخص مجهول يقول إزاي فيلم تاج أعلى إيرادات؟ أنت مين؟ لصالح مين بتقول دا؟
قدمت ياسمين عز رسالة لـ مهاجمي تامر حسني، حيث قالت: تامر أحسن من مليون ترافيس سكوت، ومعندناش في مصر غير تامر حسني فنان شامل وهو ناجح من وأنا في المدرسة لدرجة أنه مش بينام ولا بياكل ولا بيشرب عشان يقدم عمل حلو، والقلة اللي بيحبطوه متغاظين منه، وكل مرة يعملوا نفس الحملات عليه وأنا لن أسمح بـ دا.