تحدث الدكتور مبروك عطية، عن انفصال رجل الأعمال أحمد أبو هشيمة والفنانة ياسمين صبري، بعد تداول أنباء انفصالهم بشكل كبير عبر مواقع التواصل الاجتماعي.
وقال مبروك عطية في فيديو له عبر حسابه الشخصي بموقع التواصل الاجتماعي فيسبوك: الزواج شريعة ربنا وأذيع أنهما تطلقا والطلاق شريعة ربنا.. ليه الدنيا مقلوبة.
وواصل: جابلها خاتم في الأول بـ 3 مليون.. كنتوا معاه في الفاتورة؟ ما جايز بربع مليون، هو النائب المحترم لو استشارني كنت هقوله 30 ألف حلو يا أبوحميد والباقي أكل بيه الغلابة.
وأضاف: طيب لو رد عليا وقالي أنا مطلع زكاتي كنت قولتله تصدق قالي متصدق أقوله إيه مش كفاية زكاة وصدقة أقوله كمان اتبرع بكل مالك؟.
طلاق أحمد أبو هشيمة وياسمين صبري
وأردفت مبروك عطية: جابلها عربية بـ 10 مليون، لو استشارني كنت هقوله كفاية عربية بنص مليون وكلها بتأدي الغرض والباقي ابني بيه مدرسة في بلدكم قالي باني 4.. ولو رد عليا أقوله لا إحنا كنا معاه وهو بيجيب العربية بـ 10 مليون ولا معاه وهو بيجيب الخاتم جابه لمراته أدى لمراته حقها نشيل من راسنا سواد نظرتنا لكل ذي مال من زمان.
وأختتم قائلًا: غيرانة.. كان نفسك تبقي هي وتاكلي الصينية.. ياريت أكون هي وآخد أنا العربية مش آخد أبوهشيمة التاجر الناجح لا خالص هو السواد ناحية اللي معاه قرشين.. اللي معاه قرشين إحنا عايزينه يشحت.. اهدوا.. شايل طاجن ستك ليه عندك سواد ليه دع الملك للمالك ولا هو هيبطل جواز ولا هي هتبطل جواز وتبقى الدنيا جميلة.