نشر كمال فتحي محمد، مالك مصنع، شكوى بسبب ارتفاع قيمة الجمارك على متعلقاته، خلال عودته من سفره من دولة الصين.
وقال كمال، في منشور عبر موقع التواصل الاجتماعي فيس بوك: يمكن أول مرة أعمل حاجة زي دي بس اللي حصل معايا ده ظلم، أنا راجع من الصين من حوالي 10 أيام، وجمرك مطار القاهرة صالة الوصول بالمطار الجديد كان معايا 4 شنط وشنطة صغيرة فوق الطيارة عبارة عن: كارتلات قماش زي ما موضح في الصورة، كمية كبيرة شوية عدد 6 بكرات خيط تريكو عينات مواصفات مختلفة على سبيل العينات.
وأضاف كمال: مش رايح الصين أجيب 6 بكرات للبيع والكارتلات الخاصة بهم مع العلم جمرك الكيلو رسمي من أي ميناء لا يتعدى 35 جنيها للكيلو ملابسي الشخصية (قاعد هناك شهر ونص) ملابس العيد لعيالي وست أحذية أطفال أدوات الصيد كيس صغير في عدة صيد سمك عدد 2 لعبة أطفال منهم لعبة باظل لا تتعدى كف الأيد كاتبهم في المحضر معاه لعب أطفال، الأدوية الخاصة بيا، ليرد عليا مسئول الجمرك اتفضل 25000 جنيه.
وتابع كمال: قلتله ليه؟، قالي أنت جايب كارتلات كتير، قلتله وفيها أية أنا صاحب مصنع ومكتوب في الباسبور ومعايا البطاقة والسجل ومحتاج العينات دي، قالي عايز فواتيرها، قلتله أنت فاهم بتقول أية دي كارتلات وعينات قماش بناخدها ببلاش وبيتحايلوا علينا ناخدها ببلاش إزاي أقولهم هاتوا فواتير، قالي لا مستنيك أنت تفهمني.
وأكمل: قلتله معايا 10000 جنيه بحاول أنزل معاه قالي لا إحنا مش بنفاصل، قلتله صل على النبي قالي ما بصليش قلتله براحه شويه وما تزعقش قالي طيب هحجزهالك وخلى وردية الساعة تسعة تطلعهالك، قلتله أعمل اللي أنت عايزه لكن ما تزعقش علشان أنا كمان بعرف أزعق بس أنا صايم قالي أنا بقى مش صايم واسمي جورج وهتشوف هعمل أية علشان تدفع وأنت ساكت.
واستطرد: قلتله شوف هتعمل أية لاقيته عملهالي وديعه لحين السفر يعني لازم أسافر تاني بيهم برا مصر وأرجع بيهم تاني، وأدفع تذكره رايح جاي ووزن تاني، قلتله أنت شايف ده صح، ولما قلتله اكتب كل حاجه عدد مارضاش زي عدد 2 لعبة أطفال.