فقد طبيب بمستشفي عزل بلطيم بكفر الشيخ بصره بعد تعرضه لارتفاع ضعط الدم بعد ساعات طويلة من علاج مصابي فيروس كورونا الأمر الذى أدي إلى شعوره بالإجهاد الشديد وفقدان وعيه وعلى إثر ذلك فقد بصره.
وكتب أحد أفراد أسرته يدعي محمود شاكر منشور على صفحته على ” فيس بوك” قال فيه :” الدكتور محمود سامي دكتور بمستشفى عزل بلطيم والمسؤول عن علاج حالات الكورورنا وجندي في جيش مصر الأبيض .. زادت عندهم الحالات في يوم واضطروا أنهم يقعدوا 6 ساعات زياده ..وده أثر على محمود أنه لما روح حس بإجهاد شديد جدا رفع عنده الضغط .
وأضاف محمود في منشوره :” طبعا زملاؤه عملوا اللي يقدروا عليه علشان ينزلوا الضغط إلى أن فقط وعيه تمام وتم نقله إلى مستشفى الحامول طبعا مكنش في مكان حولوه للعناية بمستشفى الصدر بكفر الشيخ وطبعا كان يوم جمعة وكان لازم يعمل أشعه بس لك أن تتخيل أننا في أيام الطوارئ دي ودكتور زي ده يتقاله المستشفى العام أجازة والكلام وصل للمسؤولين طبعا ومحدش عمله حاجه .
وتابع قائلا :” الدكتور محمود فاق من وعيه وللأسف فقد بصره اه والله زي مبقولك نظره راح ورحنا الرمد ومحدش فاده والموضوع زاد وأثر على رجله ولكن لما رحنا بيه لدكتور خاص في القاهرة قاله في أمل بس الله أعلم هتاخد وقت قد ايه وده نفس الكلام من دكتور اسكندريه اللي ليهم كل الشكر طبعا على اهتمامهم “.