قدمت الفنانة إيمي طلعت زكريا انتقادات لـ أصحاب فكرة عمل جزء ثاني من فيلم حريم كريم بعد وفاة والدها.
وكتبت إيمي طلعت زكريا عبر حسابها الشخصي على موقع التواصل الاجتماعي فيسبوك، قائلة: مع احترامي وتقديري لكل صناع العمل ليه لما يكون عندنا عمل ناجح مصممين نقضي عليه بأجزاء تانية بعد سنين طويلة خصوصًا إنه بيكون ناجح بأبطاله الأساسيين اللي معظمهم مش موجودين في الجزء الجديد.. ليه مش بنبتكر أفكار جديدة تعمل عمل ناجح وأقوى من ده.. مفيش حد بديل لحد.
وكانت أكدت إيمي متابعتها الجيدة لـ أعمال والدها بعد رحيله نظرًا لـ اشتياقها له، وذلك خلال تصريحات تليفزيونية بمناسبة ذكرى وفاته الثالثة.
وقالت إيمي طلعت زكريا: بشوف التفاصيل وأركز فيها جدا وأعرف ليه كان بيعمل كده في كل مشهد، وخاصة تفاصيل صوته وحركاته، وفيه أبناء فنانين كتير مش بيقدروا يشوفوا والدهم أو والدتهم بعد رحيلهم لكن أنا بحب أشوفه وحتى لو في التلفزيون لازم أتفرج على العمل كامل، وبحب أسمع صوته دايما لأنه واحشني.