كتب : عمر التوني
خضعت الفنانة المصرية، ليلي علوى، لجلسة تصوير حديثة، بعدسة المصور الشهير “خالد فضة”، والذى نشرها عبر حسابه الرسمي على موقع الصور الشهير “انستغرام”.
ظهرت “علوي” فى الصور وهي جالسة على الأرض، و حافية القدمين، مرتدية فساناً أبيض اللون.
فى هذا السياق، أعادة “ليلي”، نشر الصور عبر حسابها الرسمي على موقع التواصل الإجتماعي “فيس بوك” معلقه عليه :”عمركوا جرّبتوا تسلموا روحكم وجسمكم للطبيعة ؟ جربتوا تستمتعوا بالنعم المجانية اللي ربنا حطّها بحكمة وحساب في كل حاجة حوالينا .. نعمة الهوا والخضرة والماية”.
وتابعت :”نعمة الرضا باللي ربنا قسمهولك أيّا كان .. واحدة من متع حياتي وجزء كبير من راحتي النفسية إني أمشى حافية ! بالذات على رملة أو في خضرة .. إحساس مليان رضا واكتفاء .. وتخلص من الطاقة السلبية .. البسوا ألوان فاتحة ومبهجة زي الأبيض وامشوا حافيين .. المسوا الأرض والطبيعة واستمتعوا بيها واشكروا ربنا”.
عمركوا جرّبتوا تسلموا روحكم وجسمكم للطبيعة ؟ جربتوا تستمتعوا بالنعم المجانية اللي ربنا حطّها بحكمة وحساب في كل حاجة…
Gepostet von Laila Eloui ليلى علوي am Montag, 28. September 2020
عقب تعليق “ليلي” على الصور وإفصاحها عن حبها للمشي حافية القدمين، إنهالت التعليقات عليها من جمهورها حيث قال أحد المتابعين لها :” معاكي انه احساس حلو وفي ناس كتير عايشه حافيه بس مش علشان يلمسو الطبيعه لا علشان مش لاقين حاجة يلبسوها ف رجليهم، ناس كتير نفسها ف الحياة دي بس للاسف مش قادرين يعجبني احساسك يا فنانه”
.
فيما قالت متابعه أخري :” سورى يعنى انتى حاطة كل ده ميكب وشعرك حتى مش سايبها بلونه الطبيعى وهتحسى بالطبيعة عشان ماشية حافية بس كده”.
وعلقت أخري لـ “ليلي” بقولها :” ايوة يا ست ليلى بس كل دا محتاج فلوس كتير واحنا مش معانا نجيب الحاجات الضروريه في حياتنا يعني بند الترفيه دا مش موجود في حياتنا”.
وفاجأ متابع أخر ليلي علوي بتعليقه قائلاص لها :” عايزين نجرب فعلا بس معناش فلوس وامكانياتنا ضعيفة نروح الاماكن دي، واحنا كده كده بنمشي حافيين عشان الجزم غالية”.
وسخرت أخري بقولها :” لا احنا حافيين عشان فقراء مش عشان نلمس الطبيعة”.
وقالت متابعه أخري :” اعملي كده لواحدك لان احنا لانملك الحياة اللي عيشها ولا الرفاهية اللي انتي فيها”.
يشار إلى أن ليلى علوي غابت عن رمضان 2020، وكان آخر أعمالها الدرامية مسلسل ”هي ودافنشي” الذي عرض في رمضان 2016 وشاركها في بطولته خالد الصاوي، وآخر أعمالها السينمائية فيلم ”الماء والخضرة والوجه الحسن”، وشاركها البطولة منة شلبي وباسم سمرة وهو من إخراج يسري نصر الله.