كشفت الفنانة ليلى علوي، موعد إنطلاق أولى حلقات مسلسلها الجديد “منورة بأهلها”، الذي من المقرر عرضه عبر منصة شاهد.
ونشرت ليلى البوستر الرسمي للمسلسل، عبر حسابها الرسمي بموقع التواصل الاجتماعي “إنستجرام”، وعلقت: “منورة بأهلها يوم 6 مارس”.
View this post on Instagram
أبرز تصريحات ليلى علوي
من جانبه كانت قد أعربت الفنانة ليلى علوي عن سعادتها البالغة، لتكريمها بمهرجان البحر الأحمر بدورته الإفتتاحية، بالمملكة العربية السعودية.
وذكرت ليلى علوي خلال لقائها مع الإعلامي رامي رضوان عبر فضائية Dmc، قائلة: بجد مهرجان البحر الأحمر كان حلو جدا وكنت سعيدة جدا ان شاركت في المهرجان ده وانا عشان اروح المهرجان كنت بنزل جدة واحتاكيت بالناس اللي عايشين في جدة فيهم كمية احترام وتواضع وشوفت وسطهم حب واحترام وتقدير واحلى حاجة بجد حب الناس.
وواصلت: نعمة كبيرة اوي ان الناس تكون بتحب الفنان وشايفاه ومحترماه، هدف المهرجانات كلها واحد وهو بيبقى عبارة عن فترة زمانية وبيكون فيها ناس كتير اوي مخرجين ومؤلفين وفنانين، وبتبقى فرصة كبيرة جدا لـ عشاق السينما والافلام.
وتابعت: بتبقى فرص كبيرة جدا لان بناقش حاجات كثيرة جدا خلال ندوات وكمان تبقى فرصة كبيرة جدا للموزعين والمنتجين انهم يكبروا في مجالهم وكل ده بيفيد الصناعة جدا.
وأختتمت: قاعة السينما هتفضل سينما والمسرح هيفضل مسرح اللي هيحصل عليه اختلاف الفترة الجاية المنصات وقنوات التليفزيون.