تحدثت الفنانة ليلى طاهر عن إمكانية رجوعها للتمثيل والمجال الفني وتخليها عن قرار الاعتزال، وذلك خلال مداخلة هاتفية مع الإعلامية سهير جودة في برنامج الستات الذي تقدمه الإعلامية سهير جودة، ومفيدة شيحة.
حقيقة عودة ليلى طاهر للفن
قالت ليلى طاهر: مش هرجع للفن وده قرار لا رجعة فيه، وأنا بقول إني عملت كل حاجة واشتغلت في كل المجالات الفنية السينما والمسرح والتليفزيون، وأنا قفلت صفحة مشواري الفني، لأن من بعد الثورة توقف الفن وأنا بعدت عن الفن فترة، وبعدين رجعت للفن وعملت حاجات تانية لفترة محددة وبعدين قولت خلاص كفاية كدة.
وأضافت: أنا عملت حاجات كتير حلوة في كل المجالات وربنا وفقني فيها وكسبت ثقة الناس، وأنا مش عايزة أعمل تاني حاجات بعد الفترة الطويلة دي تقلل من اللي عملته، لأن اللي هيجي هيبقى أقل لأن السن بيحدد الأدوار، وبقول أنا سيبت تاريخ حلو وكدة خلاص كفاية.