نشر الفنان تامر حسني فيديو عبر حسابه على موقع التواصل الاجتماعي لتبادل الصور والفيديوهات انستجرام ، فيديو يستعيد فيه الذكريات من أحد أعماله السابقة .
وظهر في الفيديو من أحدي المشاهد في أفلامه برفقة الفنانة دلال عبد العزيز و اكرم حسني، و علق قائلا”ملعووووبه اللي عملها أستاذ بالمره بقى بعد اذن الجميع اللي شاف و ضحك، ياريت يدعي بالرحمه للفنانة الراحلة دلال عبد العزيز و الفنان الراحل سمير غانم و كل أمواتنا و ربنا يخليكم لبعض يا اغلى الناس”.
تامر حسني يحتفي بـ نجاحه في الغناء: بحلم بيه من وأنا صغير
أعرب نجم الجيل تامر حسني، عن سعادته العارمة بالنجاح الذي حققه في حياته الفنية، وبالحال الذي عليه الآن، عبر حسابه الرسمي بموقع التواصل الاجتماعي “إنستجرام”.
ونشر تامر مقطع فيديو، أثناء مروره وسط المعجبين، إلى إحدى حفلاته، وعلق: “المشهد دا كان اكتر مشهد بحلم بيه من وانا صغير تقريباً كنت بشوفه كل شهر بأشكال مختلفه و كنت بسأل نفسي طب يارب انا هتشهر بالشكله دا و الناس هتحبني كدا في اي مجال”.
وأضاف: “عشان ساعتها كنت بلعب كوره بس كان عندي اصابات كتير بدري على سني و مشاكل مع بعض المدربين اللي مقتنع بيا واللي مش مقتنع بيا فا بيخليني احتياطي موسم كامل و دا شيء محبط لإني كنت مصنف لاعب مهاري كويس، و الموضوع دا اتكرر معايا في الزمالك و الأهلي و الإتنين استغنوا عن خدماتي”.
وأردف تامر حسني: “يعني زي ما تقولوا كدا في ظروف كانت بتتجمع عشان افهم ان الكوره مش مستقبلي رغم تعلقي بيها الجنوني بس اتاري ربنا كان كاتبلي مستقبل تاني و افضل ليا بس عرفت دا لما دورت جوه نفسي بجد بمساعدة او معجب ليا اول fan في حياتي و الوحيد اللي كان مصدقني و هي امي”.
واستطرد: “يعني مهم اوي انك تدور جوه نفسك عشان لازم هتلاقي ربنا مخلقكش فاضي و اتمنى من الأهل انهم يركزوا مع ولادهم في اصغر سن ليهم و يفضلوا دايماً يكلموهم عن الحلم و الطموح و النجاح ..بكتب الكلام دا و واثق مليون في الميه ان فيكم حد محتاج يسمعه و كان مستنيه الإشاره جت اهي مالكش او ملكيش حجه”.