روت الفنانة سميحة أيوب، تفاصيل دخولها عالم الفن، موضحة خطوات صعودها في سلم المجد والشهرة، بعد أن لقبها الجمهور بسيدة المسرح العربي.
وقالت “أيوب” خلال لقائها مع الإعلامية إسعاد يونس برنامج “صاحبة السعادة”: “كنت رايحة انترفيو مع صديقتي، شكلي باهت ورفيعة جدا وكنت لابسة كوتش ومبهدلة خالص”.
وأضافت: “ولاقيت واحدة بتقولي احنا خلصنا ياشاطرة قولتلها انا جاية مع صحبتي راح اللي كان قاعد قالي انتي بتحبي تمثيلي قولتلهم بحب امثل ليوسف وهبة وليلى مراد ويوسف وهبة اصلا كان قاعد من ضمن الحكام فقالي طب حافظة اي حاجة قولتله حافظة شعر كده كنا بنقوله في المدرسة ولاقيته بيقولي عندك كام سنة قولتله 16 سنة قالي طب احنا بناخد من سن 18 سنة بس هناخدك طالبة مستمعة عشان تتعلمي”.
أبرز تصريحات سميحة أيوب
من ناحية أخرى، عبرت الفنانة سميحة أيوب عن سعادتها بقرار الرئيس عبد الفتاح السيسي بعد أن أصدر قرار بدعم الفنانين والمبدعين، وتطوير الهيئة القومية للتأمين الاجتماعي.
وصرحت خلال مداخلة هاتفيه مع الإعلامي عمرو أديب، ببرنامج “الحكاية الذي يعرض عبر قناة “ام بي سي مصر” الفضائية، قائلة: “الحمدلله ان في رئيس حاسس بشعبه وبيدرس كل قطاع بشكل كويس وبحاول يعيش الناس في حياة كريمة”.
وأوضحت سميحة قائلة: “ايوه في فنانين محتاجين بس مش بيطلبوا والفن ده بيعطي الناس روابط كثيرة جدا ازاي تتصرف في امورك، وايوه احنا بنشط ذاكرة الشعب عشان احنا شعب ذاكرته ضعيفة”.