عبر الفنان الشاب محمود ياسين جونيور عن رأيه فى موضة القميص الشفاف، موضحًا أن جده النجم الراحل محمود ياسين تعرض للهجوم مسبقا على ملابسه للموضة أيضًا.
وقال خلال مداخلة تليفويونية :انا بشوف أن الجمهور لما بيحب شخص بيبقى عايزه يبقى شبهه، ولما بيشوفه بيعمل حاجة مختلفة بيتضايق، في فنانين وأنا كمان ممكن أحتاج لـ ده، بيبقى عاوز يعمل ستايل لنفسه؛ لأن الشخصية اللي بتطلع بيها دي في حفلة مثلا مش شخصيتك الحقيقية.
وأضاف: لكن الشخصية بتكون مواكبة للحالة، وساعات مبيفرقش معاهم ده إيجابي ولا سلبي، لكن أنا بيفرق معايا ويهمني الناس متتضايقش ومتفهم الآراء السلبية لحاجة زي دي.
وكشف ايضا عن مهاجمة الموضة وملابس الفنانين منذ زمن وأن هذا الأمر تعرض له العديد من الفنانين، أبرزهم جده النجم الراحل محمود ياسين ايضًا وقال: جدي في السبعينات كان بيلبس الموضة ساعتها، وكانت الأجيال الأكبر منه مستغربة ده وبيقولوا إيه السوالف والقمصان والبنطلونات دي، فكل فترة ليها الستايل بتاعها.
وعلق على ظهوره مؤخرا مع الفنان عمرو دياب بقميص شفاف مشابه لقميص الهضبة قائلًا :الموضوع جه صدفة ودي حاجة تبسطني إني لابس زيه، لكن بحترم انتقادات الناس وبتقبلها، ولو حسيت إني لابس أو قولت حاجة معجبتش الجمهور، بكون حريص مكررهاش تاني.