في أول تعليق لها بعد تخرجها من الجامعة، عبرت الفنانة مايان السيد عن سعادتها الكبيرة بحصولها على الشهادة لتلتفت بشكل كامل لمستقبلها المهني في عالم التمثيل.
وقالت مايان السيد في مداخلة هاتفية مع برنامج mbctrending: مبسوطة جدا أني أخيرا خلصت بقالي 7 سنين في الجامعة بسبب شغلي في سنتين مكنتش بروح الجامعة خالص وكنت محتاجة أتخرج عشان زي ما أستاذ هاني رمزي وأستاذ رامي إمام وأستاذ مصطفى قمر قالوا كنت عايزة أخلي بابا ميدفعش مصاريف كفاية أوي عليه.
وخلال الحفل ظهرت مايان السيد ترتدي قبعة التخرج مكتوب عليها “فركش يا أساتذة” وقالت عنها: كان نفسي أعمل حاجة لأن دا يوم مهم بالنسبة لي وحسيت كلمة فركش يا أساتذة اللي بسمعها كل يوم في التصوير مناسبة لأن خلاص مش هروح الجامعة تاني.
وكشفت مايان السيد أنها تاثرت كثيرا خلال حفل التخرج قائلة: وأنا في الحفلة عيطت من كتر ما تأثرت حسيت أنها كانت سنين مهمة وصعبة لكن هتوحشني كل الذكريات.
وعن خططها الفترة المقبلة قالت مايان السيد: أهم حاجة أن حمل وانزاح عن قلبي الدراسة والجامعة حاجات كتيرة كانت بتجيلي كنت برفضها عشان أخلص جامعة كان حاجة مهمة أني أخلص، حاليا مركزة مع مسلسل “حمد الله على السلامة” مع الملكة يسرا، بنصور ساعات كتير ومتفائلين أنه هيبقى عمل مختلف، وبشارك بدور صغير مع دنيا سمير غانم في مسلسل “صراع الفصول” وهو كوميدي ولأول مرة بقدم فيه الكوميديا ونفسي يبقى عندي أفلام كتيرة.