كتبت/ سارة إبراهيم
أعلن الفنان كريم سرور عن إصابته بفيروس “كورونا” المستجد، وذلك بعد أيام من تعرضه لوعكة صحية شديدة مؤخرا.
وكتب سرور، على حسابه بموقع “الفيس بوك”: “كنت متردد جدًا فى كتابة البوست ده بس قلت لازم الناس تعرف عشان تاخد بالها ولله الأمر من قبل ومن بعد”.
وأضاف: “أعراض ڤيروس كورونا المستجد (الموجة التانية من الڤيروس) هو إصابة الجهاز الهضمى قبل التنفسى، فيه أعراض أولية معروفة وشائعة زى تكسير شديد فى الجسم وسخونية عالية جداً وبتنزل فجأة بدون مبرر وفجأة تعلى تاني أوي، وضيق في التنفس برضه مش طول الوقت، خفقان فى القلب وزيادة سرعة ضرباته بشكل يخوف جدًا، فقدان الشهية وعدم الإحساس بالطعام ”
وأكمل: “أما الأعراض المستجدة هي ألم شديد فى البطن، المعدة والقولون، إسهال شديد وشوية وبيقلب بإمساك شديد، ألم المعدة بيمتد للجناب والضهر وأحيانًا الرقبة، وحاجة كدة أشبه بحالات الإغماء بتستمر لمدة ١٠ دقايق أو نص ساعة بالكتير، و ده أظن بسبب مقاومة الجهاز المناعى للڤيروس لأنه ساعتها بتكون درجة حرارتي عالية جدًا، شعور مستمر بالقيئ بس مبيحصلش، وأظن دى طبيعة جسمي أنا عادة مبرجعش خالص”.
وتابع: “الأعراض غير مستقرة وبتيجي وتروح وتقل وتزيد والثابت فيها هو عدم القدرة على التنفس بشكل جيد (كأن فيه حاجة على صدرك) وألام شديدة فى البطن، دى الأعراض اللي عندي بقالها ١١ يوم وأنا كنت فاكر إنها من القرحة المزمنة اللي عندى لحد ما حللت والتشخيص كان إصابتى بڤيروس كورونا المستجد “.
واستطرد: “الأعراض كانت شديدة جدًا ولا تحتمل في أول ٤ أو 5 أيام وبعدين بدأت تقل لكنها فجأة بتزيد جدًا، بس أنا أحسن دلوقتى الحمدلله إتمنولي الشفاء وأى حد خالطني في آخر ٢٥ يوم يتأكد إنه تمام بس، أسف جدًا أكيد مكنتش أعرف، شكرًا”.