كانت الفنانة كارمن سليمان ضيفة الإعلامي أنس بوخش في برنامجه AB talks، وتحدثت خلال الحلقة عن زواجها في سن مبكر، موضحة على أنها تزوجت في سن الـ 22.
وقالت كارمن سليمان: «اتجوزت بدري وأنا عندي 22 سنة كنت طفلة شوية، وميزة الموضوع ده إن مفيش فرق كبير بيني وبين زين ابني».
وتابعت: «بشوف إن الجواز لازم يكون في سن الـ 26 أو 27 سنة، والراجل مفروض ميتجوزش قبل سن الـ 30، ومش بأيد الزواج المبكر».
وقالت كارمن سليمان عن دخولها مجال الغناء :« حصلت حاجات كتير صعبة، عشان متعودة من وأنا صغيرة كل حاجه تتعملي مش متعودة اعتمد على نفسي أوي فحصلي حاجات معرفتش أتصرف فيها، ومحتارة وخايفة لأن المجال صعب».
آخر أعمال كارمن سليمان
طرحت كارمن سليمان مؤخرًا تتر مسلسل أعمل ايه بطولة صابرين وخالد الصاوي، نور إيهاب، هناء الشوربجي، والذي يتم عرضه حاليًا على شاشة قناة DMC، والعمل من تأليف محمد الحناوي، وإخراج أحمد عبد الحميد.
وطرحت أيضًا أغنية جديدة تحمل عنوان «لمعلوماتك»، والاغنية من كلمات أحمد سرور، وألحان مصطفى جاد، وتوزيع جلال الحمداوي.