قال الفنان أحمد ماجد، إن دور وليد الذي قدمه في مسلسل “صوت وصورة”، وانتهى عرضه مساء أمس، كان صعبا على مستويات كثيرة، فلا تستطيع أن تقول أنه دور سهل، لأن الدور اولا يحمل لغز المسلسل كاملا، فهو قاتل عصام الصياد الذي يبحث عنه الجميع سواء في الأحداث أو الجمهور.
وأضاف ماجد في تصريحات خاصة لموقع «أوان مصر»، قائلا: “المسلسل كله تقريبا من الحلقة الخامسة للحلقة الثلاثين الناس بتسأل مين اللي قتل عصام الصياد، وشخصية وليد دايما دمها خفيف، وواقف جنب اخوه وفي نفس الوقت فيها تلقائية وبساطة انها مفهاش ضغط كبير جدا لازم تبقى بسيطة جدا عشان انت متشكش فيه، عشان في الاخر الشخصية اللي مشكتش فيها هي الشخصية الصادمة بالنسبالك كمشاهد”.
وأشار: “عشان تظبط شعراية في الدور ده صعب، وانا بعتبر دور وليد ده خد مجهود كبير، في شعراية لو انت خرجت منها يا اما الدور يتكشف يا اما الدور يبوظ خالص، فهي كانت ظابطة كده بشكل كويس، ولا أنكر ان المخرج والمؤلف كان لديهم دور كبير معي في اننا نقدر نعمل التركيبة دي الحمدلله”.
مسلسل “صوت وصورة”، من تأليف محمد سبيمان عبدالمالك، وإخراج محمد سليمان عبدالمالك، وبطولة الفنانة حنان مطاوع، ونجلاء بدر، وعمرو وهبة، وصدقي صخر، ووليد فواز، وناردين فرج.