قام رواد مواقع التواصل الاجتماعي، بإعادة نشر مقطع فيديو قديم لـ«حديث مصور»، من الأرشيف، يجمع بين الفنان عمر الشريف والفنانة داليدا في ثمانينيات القرن الماضي.
داليدا وعمر الشريف
وقال عمر الشريف لـ داليدا في الحديث المصور: «فاكر أول يوم شفتك فيه كويس جدًا، كنت عند منتج وكنت لسا عامل 3 أفلام، ولما دخلت لقيت بنت جميلة جدا، ومثيرة جدا قاعدة معاه، اتكسفت لما شفتك، ومعرفتش أعمل إيه وبصتلك كتير من طرف عيني عشان استكشفك».
وتابع عمر الشريف: «لما خرجتي سألت المنتج مين البنت دي؟ فقالي دي بنت إيطالية اكتشفتها، وبيتهيألي هيكون ليها مستقبل في مجال السينما».
وواصل: «قلت له متعرفش تعرفني عليها؟ أنا عايز أخرج معاها فقالي أنا هعرفكم ببعض وأنت اتصرف، فانتي دخلتي المكتب تاني والمنتج عرفنا ببعض، وأنا عزمتك على العشاء».
واستكمل: «أنا أخذتنى الجرأة أني أعزمك وأنتي وافقتي، وبعد العشاء وصلتك بيتك، وقبل ما تنزلي من العربية استعملت كل جاذبيتي، وقدرت أحصل على بوسة، وده كان شيء مدهش، عشان في الوقت دا الواحد يعرف ياخد بوسة مكانش شىء سهل أبدًا زي دلوقت».
وردت الفنانة داليدا على عمر الشريف ضاحكة: «يعني قصدك إحنا عاكسنا بعض وأنا نسيت».
View this post on Instagram
يرد عمر الشريف عليها، قائلًا: «غالبا معجبتكيش بوستي»، وترد داليدا: «بجد معرفش بما إني مش فاكرة، أنا أسفة، لكن في حاجة أنا معجبة بيها جدا فيك، أنت عملت حاجة كان نفسي أعملها أوي، كانت فيلم غنائي كوميدي، أنا عارفة أنك عملت فيلم مع باربرا سترايسند، FUNNY GIRL وأنا إللى مغنية لسا معملتش أي فيلم غنائي».
وتغزل عمر الشريف في داليدا قائلاً: «عارفة حاجة بعشقها فيكى.. حلاوة الميلودراما اللي فيكي، مش عارف ليه الناس مش بتحب كلمة ميلودراما وكلمة بتصدمهم، دي جزء من شخصيتنا كلنا كشرقيين وأنتي شرقية، وهى أننا بنبالغ دايمًا في رد الفعل أكتر من اللازم، شوفتي صداقتنا ومشاعرنا.. مشاعرنا بتبقى ضخمة وعميقة وده مدهش، دي حاجة مبهرة أنك تخلى اللى قدامك يحسوا بمشاعر عميقة».
اقرأ أيضًا
عادل حمودة يكشف دور عمر الشريف في زيارة “السادات” لإسرائيل
السيناريست هيثم دبور يستعد لتحويل مذكرات عمر الشريف لمسلسل درامي