أعلنت الفنانة ميرهان حسين، انتهاء تصوير مشاهد حكاية «وانسى روحي وياك»، إحدى حكايات الموسم الرابع من مسلسل «نصيبي وقسمتك»، الذي يعرض في الوقت الحال على شبكة ON.
ونشرت ميرهان عدة صور من كواليس التصوير، عبر حسابها الرسمي بموقع التواصل الاجتماعي “إنستجرام”.
وكتبت: “فركش تصوير مسلسل نصيبي و قسمتك حكاية و انسى روحي وياك .. الحمد لله اللي قدرنا على التصوير في ظروف مناخية صعبة جدًا و برد واصل لدرجة الصقيع و مطر و أنا لابسة صيفي و عدد ساعات تصوير طويلة جدًا بس برضو كان من أجمل أوقات الشغل مع ناس محترمة و جميلة عايزة اشكرهم فردًا فردًا”.
ميرهان حسين تنتهي من تصوير حكاية «وانسى روحي وياك»
ووجهت ميرهان حسين الشكر إلى جميع طاقم العمل، قائلة: “شكرا أستاذ احمد عبد العاطي المنتج المحترم على ثقتك فيا و اختياري لبطولة حكاية وانسى روحي وياك و يارب اكون أد ثقتك فيا و شكرًا استاذ عمرو محمود ياسين على شخصية قمر و رؤيتك ليا بشكل مختلف عن الشكل النمطي و الأدوار المكررة اللي بيختاروني لتقديمها وشكرًا على كتابتك الرائعة الممتعة”.
وأضافت: “شكرا المخرج الشاطر جدًا المريح جدًا اللي بيحب و يحترم الممثل جدًا استاذ عصام نصار شكرًا انك كنت بتهتم بكل التفاصيل و انت مخرج رائع شاطر وبتفهم و بتخلق روح جميلة في اللوكيشن مبسوطة اني اشتغلت معاك.. شكرا مدير التصوير العسل هيثم ناصر شكرا عالصورة الجميلة تسلم ايديك وشكرًا لكل رجالتك و فريق عملك المحترمين”.
وأردفت: “شكرًا لكل فريق الإخراج المحترفين بجد ضياء و مصطفى الجمال و رشا و كل فريق العمل فردًا فردًا و شكرا محمود بوبو لا داحنا عنينا.. شكرًا رجالة الانتاج شكرا استاذ وليد الحسيني على تسهيلك لكل حاجة و مجهودك الكبير و انت عارف غلاوتك عندي.. شكرا المخرج المنفذ استاذ أحمد عمر على كل حاجة و يارب دايما مع بعض”.
واستطردت ميرهان حسين: “شكرًا الستايليست حسن مصطفى و فريق الماكير و الكوافير المحترمين و لكل فريق الصوت و الديكور و الاكسسوار و كل الناس المحترمة اللي تعبوا بجد .. شكرا زميلي الشاطر جدًا الموهوب محمد عز تستاهل كل الخير يا محترم ربنا يكرمك دايما يا رب و شكرا كل زملائي الفنانين المحترمين مبسوطة جدا اني اشتغلت مع كل حد فيكم”.
View this post on Instagram