تحدث الفنان فتحي عبد الوهاب، عن علاقته بالفنان عادل إمام، حيث إنه يتمنى العمل معه حتى لو دور له، وأن جمهوره بالفعل مفقتده، وعند صدور أول فيلم لـ الزعيم عادل إمام سيكون فتحي عبد الوهاب أول من يشتري التذكرة، ويتمني ذلك خلال الفترة المقبلة لأن عادل إمام علامة مميزة من علامات السينما في العالم العربي.
وقال فتحي عبد الوهاب، خلال لقائه ببرنامج «Insider» بالعربي: «عادل إمام واحش السينما ده شئ أكيد، وجمهوره متشوق جدًا أنه يتفرج عليه في عمل فني جديد، وأنا هكون أول واحد وأول تذكرة في شباك التذكر لعمل عادل إمام».
متابعًا: «أنا أحب أكون جزء أو أي حاجة من الأعمال التي يقدمها عادل إمام وده مفيش خلاف عليه».
وأضاف فتحي: «محمد إمام وأخد من والده خوفه على شغله وبيقلد والده في النقطة دي ودي أكتر حاجة كويسة جداً.. وعادل إمام من أكتر النجوم اللي اشتغلت معاهم بيخاف على شغله ودايماً عاوز كل حاجة ماشية بشكل احترافي ومحمد ابنه واخد منه الحاجة دي بردو، وطول الوقت بيدور على أحسن حاجة للعمل».
فتحي عبد الوهاب: الفن ليس سببًا في انتشار الجرائم.. دي كوامن نفوس بشرية
وعلى سياق آخر قال الفنان فتحي عبد الوهاب أن الفن ليس سببًا في انتشار الجرائم في مصر، وذلك بعد اتهام العديد من رواد السوشيال ميديا للفن بأنه السبب في واقعة المنصورة.
وقال فتحي عبد الوهاب في تصريحات لبرنامج et بالعربي: لو الحكاية كده هل أول جريمة قتل في التاريخ كان مسلسلات برضه ولا إيه، في حاجة لها علاقة في غرائز البشر وكوامن النفوس البشرية، وربنا زي ما حط فينا الشر حط الخير.
وأضاف: فكرة أنه بناء على ثقافك وتربيتك وبيئتك وأخلاقك، بتغلب أنهي جانب واستعدادك لتحمل الضغوط ووعيك للواقع اللي يتعيش فيه، وده مالوش علافة بالمسلسلات والأفلام.
واختتم فتحي عبد الوهاب قائلًا: الفن بيرتقي بالروح والمشاعر مش وسيلة تربية ولا تعليم.. الفن عمره ما كان كده، الفن حر عن كده مش هنقدر نقول إن ده السبب، لأن كده إحنا بنحمل الفن أكتر مما يحتمل فأعتقد أن الكلام ده فيه قصور.